ҚР Бас мемлекеттік санитарлық дәрігерінің жаңа қаулысы жарияланды

Қазақстан Республикасының Бас мемлекеттік санитарлық дәрігерінің 2021 жылғы 17 қыркүйектегі жаңа қаулысы шықты.
Осы қаулымен ҚР Бас мемлекеттік санитарлық дәрігерінің 2021 жылғы 2 қыркүйектегі № 38 қаулысына өзгерістер енгізіледі.
Бұрынғыдай, COVID-19 расталған жағдайының жақын байланысы:
- COVID-19 жағдайымен бір тұрғын үйде бірге тұратын адам;
- COVID-19-бен ауыратын науқаспен немесе COVID-19 жағдайының инфекциялық бөлінділерімен қорғалмаған тікелей байланыста болған адам (мысалы, жөтелу, қол алысу кезінде және т.б.);
- ЖҚҚ (қорғаныш маскасын) пайдаланбай жабық үй-жайда (мысалы, сыныпта, кеңеске арналған бөлмеде, ауруханадағы күту бөлмесінде және т. б.) COVID-19 жағдайымен бірге 15 минут немесе одан көп уақыт ішінде 1,5 метрден кем қашықтықта болған адам;
- COVID-19 жағдайына тікелей күтімді қамтамасыз ететін медицина қызметкері немесе басқа да адам немесе ұсынылған ЖҚҚ-сыз не ЖҚҚ-ны қолдануды бұзу мүмкіндігімен COVID-19 жағдайының биоүлгілерімен жұмыс істеген зертхана мамандары;
- ұшақта, қалааралық қатынастағы автобуста, поезда, COVID-19-бен ауыратын науқастан кез келген бағытта екі орындық қашықтықта болған байланыста болған адам, сондай-ақ COVID-19-бен ауыратын науқас ұшқан ұшақтың секциясына қызмет көрсеткен экипаж мүшелері ретінде айқындалады.

Айта кету керек, ПТР әдісімен COVID-19-ға байланыста болған адамды (жақын байланыс) зертханалық тексеру үшін сынама алу оқшаулаудың үшінші күнінде ғана жүргізіледі. Бұрын сынамаларды алу оқшаулаудың 3-ші және 12-ші күнінде жүзеге асырылған.
Қаулымен сондай-ақ денсаулық сақтау ұйымдарында, жедел медициналық жәрдем машиналарында, жергілікті атқарушы органдар карантин үшін айқындаған үй-жайларда, сондай-ақ медицина қызметкерлері үйде медициналық көмек көрсету, ошақта эпидемиологиялық тергеп-тексеру жүргізу, науқастардан және байланыста болған адамдардан сұрау және сауалнама алу кезінде пациенттер мен медицина қызметкерлерінің келісуінсіз оларға аудио, фото және бейне түсірілім жүргізуге шектеу салуды туралы тармақ алынып тасталды.

Құжаттың толық мәтінімен мына сілтеме бойынша толық танысуға болады:
https://www.gov.kz/memleket/entities/kkkbtu/press/news/details/257527?lang=kk