«Ашық НҚА» порталында ҚР денсаулық сақтау министрі мен ҚР цифрлық даму, инновациялар және аэроғарыш өнеркәсібі министрінің «Тиісті фармацевтикалық практикалар сәйкестігіне сертификаттар беру» мемлекеттік қызмет көрсетудің пилоттық жобасын іске асыру алгоритмі туралы бірлескен бұйрығының жобасы жарияланды.
Бұйрыққа сәйкес пилоттық жоба 2021 жылғы 1 желтоқсаннан бастап «Е-лицензиялау» мемлекеттік деректер қоры» ақпараттық жүйесі арқылы тиісті заңға тәуелді нормативтік құқықтық актілер бекітілгенге дейін іске қосылады.
«Тиісті фармацевтикалық практикалар сәйкестігіне сертификаттар беру» мемлекеттік қызмет көрсету бойынша пилоттық жобаны іске асыру алгоритмі инспекциялар – тиісті өндірістік практика (GMP) және (немесе) тиісті дистрибьюторлық практика (GDP) тәртібін айқындайды.
Мемлекеттік қызметтерді жеке және заңды тұлғаларға ҚР ДСМ Медициналық және фармацевтикалық бақылау комитеті көрсетеді.
Мемлекеттік қызмет көрсетуге қойылатын жалпы талаптар тиісті фармацевтикалық практикалар жөніндегі фармацевтикалық инспекциялар жүргізу қағидаларына сәйкес белгіленеді.
Қызмет көрсету мерзімі 30 (отыз) күнтізбелік күнді құрайды.
Жобаны қоғамдық талқылау 2021 жылдың 19 қарашасына дейін жалғасады.
Құжаттың толық мәтінімен мына сілтеме бойынша танысуға болады:
https://legalacts.egov.kz/npa/view?id=12746906