С. Ж. Асфендияров атындағы «Қазақ ұлттық медицина университеті» базасында Денсаулық сақтау министрлігі, ҚР ДСМ Медициналық және фармацевтикалық бақылау комитеті, ДДСҰ, Юнисеф, денсаулық сақтау басқармалары мен медициналық жоғары оқу орындарының өкілдерінің қатысуымен балаларға медициналық көмекті ұйымдастыру бойынша жұмыс кеңесін өткізді.
Қатысушылар алдында ҚР ДСМ МФБК медициналық қызметті сертификаттау және лицензиялау басқармасының басшысы Әсем Мергенбаева баяндамамен сөз сөйледі. Спикер медициналық көмек көрсету бөлігіндегі өзекті мәселелерді қозғады, Комитетке келіп түскен негізделген шағымдардың саны өскенін атап өтті. Ол жағдайды жақсартатын және пациенттердің қанағаттану деңгейін арттыратын шешу жолдарын ұсынды.
«Пациенттерді қолдау қызметінің тиісті және тиімді жұмыс істеуімен медициналық ұйымның өзін ұйымдастыру мен басқаруда жақсару, медициналық көмектің сапасын арттыру күтілетінін атап өткім келеді. Пациенттердің проблемаларын сол жерде және мерзімінде шешу кезінде пациенттердің қанағаттанушылығы артады, тәуекелдерді талдау, инциденттер бойынша түбірлік себептерді талдау, индикаторларды талдау үшін жедел және жүйелі жинау, деректерді валидациялау, медициналық карталардың аудиті жүргізіледі, бұл тәуекелдерді нәтижелі басқаруға, стандарттарды енгізуді үйлестіруге, медициналық ұйымның ішкі процестерін жақсарту бойынша жаңа жобалардың пайда болуына әсер етеді. Нәтижесінде медициналық көмектің сапасын арттыру және пациенттердің қанағаттануы көзделуде», - деп атап өтті А. Мергенбаева.
Сондай-ақ, А. Мергенбаева шағымдар мен өтініштердің алдын алу, деректерді жинау мен талдаудың жеделдігін, бизнес-процестердің ашықтығын қамтамасыз ету, бақылау функцияларының сапасы мен тиімділігін арттыру жөніндегі комитеттің жұмысы туралы айтып берді, бұл көрсетілетін медициналық қызметтердің сапасына оң әсер етеді.
Балалардың жалпы сырқаттанушылық көрсеткіші 2022 жылдың қорытындысы бойынша 100 000 балаға шаққанда 4,3%-ға, бастапқы сырқаттанушылық көрсеткіші 6,0%-ға төмендеді. 2022 жылдың қорытындысы бойынша балаларды скринингпен қамту 12%-ға артты. 2022 жылы 2024 жылға дейін балалар онкогематологиялық көмегін жетілдіру бойынша жол картасы бекітілді.