Төтенше жағдайлар бірінші вице-министрі Ибрагим Күлшімбаев «Nura arnasy» еріктілер қозғалысымен кездесті

2022 жылдың 11 қарашасында Қазақстан Республикасы Төтенше жағдайлар министрлігінде Төтенше жағдайлар бірінші вице-министрі генерал-майор Ибрагим Күлшімбаевтың Қарағанды облысы Нұра ауданының «Nura arnasy» еріктілер қозғалысымен кездесуі өтті.

Кездесу «Ашық есік күні» форматында өткізілді. Оның аясында қатысушылар ТЖМ бөлімшелерінің қызметімен, қызмет көрсетудегі техника, арнайы жабдықтар мен жабдықтардың түрлерімен танысты.

Практикалық бөлім аясында қатысушылар өрт сөндірушілердің нақты жабдықтарын сынап көргеннен кейін олардың жұмысының қаншалықты қиын екенін сезінді. Сонымен қатар, апат медицинасы орталығының мамандары зардап шеккендерге шұғыл медициналық және психологиялық көмек көрсету бойынша тренинг өткізді.   

Іс-шараның мақсаты - отансүйгіштік пен Отанға деген сүйіспеншілік сезімін арттыру, өскелең ұрпақ арасында құтқарушы мамандығының беделін арттыру және дәріптеу.

Кездесу соңында Төтенше жағдайлар бірінші вице-министр еріктілерге ТЖ алдын алу және оларды жою ісіндегі белсенді азаматтық ұстанымы үшін алғысын білдірді және министрлік атынан қатысушыларды алғыс хаттармен марапаттады.

 

 

ҚР ТЖМ Азаматтық қорғаныс және әскери бөлімдер комитеті