2024 жылдың қорытындысы бойынша Мемлекеттік еңбек инспекторлары 5662 тексеру жүргізді, оның ішінде профилактикалық бақылау – 168, жоспардан тыс тексеру – 5449, 8130 бұзушылық анықталды. Жұмыс берушілерге 3326 ұйғарым берілді.
Еңбек инспекторларының бақылау қызметінің тиімділігін арттыру үшін кәсіпорындардың профилактикалық бақылау тізімін қалыптастыру процесін автоматтандыру бойынша жұмыс жүргізілді.
Автоматтандыруды енгізу еңбек заңнамасын бұзатын жұмыс берушілерді автоматтандырылған ақпараттық жүйелер арқылы анықтауға мүмкіндік береді.
Заңнаманы бұзбайтын адал жұмыс берушілер тағы да тексеру іс-шараларына ұшырамайды (2025 жылдың І жартыжылдығына профилактикалық бақылауға 251 бақылаудағы субъект енгізілген).