ЭШФ ақпараттық жүйесіндегі техникалық ақаулар туралы

       «Электрондық шот-фактуралар» ақпараттық жүйесіндегі техникалық ақауларға байланысты электрондық шот-фактуралар мен тауарларға ілеспе жүкқұжаттарды жазып беру 2024 жылғы 3 сәуірде сағат 00:00-ден 11:50-ге дейін уақытша қолжетімсіз болды. Бұл туралы Қазақстан Республикасы Қаржы министрлігінің Мемлекеттік кірістер комитетінде хабарлады.

     Сондықтан, салық төлеушілер:

      - 2024 жылғы 3 сәуірден кейін күнтізбелік 15 (он бес) күнтізбелік күн ішінде қағаз түрінде жазып берілген шот-фактураны;

      - 2024 жылғы 3 сәуірден кейін 3 (үш) жұмыс күні ішінде қағаз түрінде рәсімделген тауарларға ілеспе жүкқұжатын «ЭШФ» ақпараттық жүйесіне енгізуге міндетті.

      Бұл ретте айыппұл санкциялары қолданылмайды.