ҚР Қаржы министрлігінің Мемлекеттік кірістер комитеті мен «Қазақтелеком» АҚ-ның бірлескен баспасөз мәслихатында елімізде темекі өнімдерін айтарлықтай материалдық шығынсыз сатудың жаңа тәртібіне көшудің мүмкіндігі туралы айтылды

Өткен жылдың 1 қазанынан бастап Қазақстанда темекі өнімдерін міндетті таңбалау туралы қаулы күшіне енді. Құжатқа сәйкес, елде өндірілген немесе шетелден әкелінген темекі өнімдері арнайы Data Matrix кодымен таңбалануы тиіс. Бұл код темекі өнімі туралы бар ақпаратты қамтиды.
Бұл темекі нарығындағы көлеңкелі айналымды азайту және сертификатталмаған және сапасыз өнімді айналымнан шығару үшін жасалады. Бірақ жүйенің жұмыс істеуі үшін барлық сауда желілері, гипермаркеттер және шағын үй астындағы дүкендер электронды қолтаңба көмегімен тауарларды таңбалау және қадағалау жүйесінде тіркелуі керек, сонымен қатар кассаның бағдарламалық жасақтамасын жаңартып, арнайы кодтарды оқуға мүмкіндік беретін 2D сканер сатып алуы керек.
Бөлшек сауда саласында жұмыс жасайтын шағын бизнес өкілдері мұндай жабдықты сатып алу өте қымбат екенін бірнеше рет мәлімдеген еді. Осы мәселені шешу үшін «Қазақтелеком» АҚ тегін балама - 2D сканерін толығымен алмастыратын және кейіннен фискалдық деректерді Операторға бере отырып, Data Matrix кодтарын тануға қабілетті NaqtySauda.Kassa мобильді қосымшасын жасады.
«Бұл шара бизнесті 2D сканерлеріне балама ұсыну арқылы қолдауға бағытталған, себебі кейбір сауда нүктелерінде тауар айналымы аса үлкен емес. Бұл жағдайда сканер функцияларын дәлме-дәл қайталайтын осы қосымшаны пайдалануына болады», - деп түсіндірді «Қазақтелеком» АҚ-ның Цифрлық экономиканы дамыту орталығының бас директоры Бикеш Құрманғалиева.
Оның айтуынша, NaqtySauda.Kassa - кәдімгі смартфонға немесе планшетке жүктеуге болатын онлайн-кассалық функциясы бар кең таралған мобильді қосымша: жүйенің ықшамдығына қарамастан, функциялар жиынтығы физикалық сканерден еш кем емес. Атап айтқанда, қосымша нақты уақыт режимінде түбіртектерді фискалдауды жүзеге асырады, серверге қауіпсіз қосылуға және ақпаратты сақтауға мүмкіндік береді, ең бастысы, ол ШОБ үшін қолжетімді кез-келген гаджетке жүктеуге келеді.
«NaqtySauda.Kassa қосымшасы Google Play Market-те қол жетімді, оны телефонға жүктеп, қосымшаны бақылау-кассалық машина ретінде тіркеуге болады және оларды сату кезінде таңбаланған өнімдерді сканерлеу үшін қолдана алады. Қосымша интуитивті түрде түсінікті және пайдалануы оңай болуы үшін қолданбалы интерфейсті мүмкіндігінше оңайлаттық», - деп толықтырды Құрманғалиева.
«Тауарларды таңбалау мен қадағалаудың жаңа жүйесі бизнес жүргізу тұрғысынан қосымша артықшылықтарға ие: дүкендер негізсіз тексеруден қорықпауы мүмкін, өйткені тауарлардың қозғалысы туралы барлық ақпарат тауарларды таңбалауға арналған ақпараттық жүйеде сақталады. Сонымен бірге маркасы жоқ темекі өнімдерін ағымдағы жылдың 1 қазанына дейін сатуға болады. Осы өтпелі кезеңнен кейін дүкенде таңбалаусыз темекі өнімдерін қабылдап сатуына тыйым салынады, ол үшін жауапқа тартылатын болады: таңбаланбаған өнім контрафакті болып есептеледі. Бөлшек сауда дүкендердің процеске дайындалуына, өз жүйелерін құруына және қызметкерлерін оқытуына мүмкіндіктері бар»,- деді ҚР ҚМ МКК Тауарларды таңбалау жобасының жетекшісі Азат Исенов.

Қосымша ақпарат:
Сәйкестендіру құралы болып табылатын DataMatrix коды - тауарлардың әрбір партиясына қойылатын және өнім пайда болғаннан бастап пайдаланғанға дейін бірге болатын ілеспе код. Бұл өндіруші немесе импорттаушы туралы сандық ақпарат, тауарлар партиясының реттік нөмірі және оның қозғалысын бақылау үшін қажет басқа да мәліметтер «тіркелген» 29 таңбадан тұрады, ақ және қара жиектері бар, көлемі 7х7 мм квадрат түріндегі жалған өнімнен қорғайтын жапсырма. Бұл кодты криптографиялық қорғаудың арқасында қолдан жасау мүмкін емес

Мына сілтемелерден таңбалау туралы толығырақ білуге болады:
https://instagram.com/markirovkakz?igshid=1wd8pto6fl7a2
https://www.facebook.com/markirovka.kz/
https://t.me/markirovkatovarov