Мемлекеттік кірістер органдарындағы тиімді менеджмент
2025 жылдың 29-31 қазан аралығында Қазақстан Республикасы Қаржы министрлігі Мемлекеттік кірістер комитетінің Оқу-әдістемелік орталығы Мемлекеттік кірістер комитетімен бірлесіп Абай облысы бойынша Мемлекеттік кірістер департаменті базасында «Мемлекеттік кірістер органдарындағы тиімді менеджмент» бағдарламасы бойынша аралас форматта коучинг-тренинг өткізді.
Іс-шараға Абай облысы бойынша МКД басшысының орынбасарлары, басқарма және бөлім басшылары, аудандық мемлекеттік кірістер басқармалары басшыларының орынбасарлары, сондай-ақ кеден бекеттерінің басшылары мен олардың орынбасарлары қатысты.
Бағдарламаның мақсаты – мемлекеттік кірістер органдары қызметкерлерінің негізгі басқарушылық құзыреттерін дамыту. Тренинг барысында стратегиялық жоспарлау, көшбасшылық қасиеттерді дамыту, өзгерістерді басқару және тиімді кәсіби коммуникация сияқты маңызды бағыттар қарастырылды.
Оқыту нәтижесінде – басқарушылық қызметтің сапасын арттыру және белгіленген нысаналы көрсеткіштерге қол жеткізуді қамтамасыз ету көзделуде.
Коучинг-тренинг спикерлері:
- Джетибаева Алия Муратхановна – ҚР ҚМ Заң қызметі департаментінің директоры;
- Кушубаева Динара Шаменовна – ҚР ҚМ МКК Мемлекеттік көрсетілетін қызмет департаментінің директоры;
- Кобекаева Ирина Ахсарбековна – ҚР ҚМ МКК ОӘО-ның Біліктілікті арттыру және кәсіби даярлау бөлімінің бас маманы.
Тренинг барысында қатысушылар:
- басқарушылық қызметті жоспарлау, ұйымдастыру және бақылаудың заманауи әдістерін меңгерді;
- персоналды ынталандырудың тиімді тәсілдері мен көшбасшылық әлеуетті дамыту дағдыларын игерді;
- басқару процесінде коммуникативтік дағдылар мен коучинг элементтерін тиімді қолдануды үйренді;
- заманауи басқарушылық модельдерін талдап, ұжымда өзара әрекеттесу дағдыларын жетілдірді.
Ерекше назар коучинг қағидаттарына негізделген «МКД/МКБ/КБ-нің 5 жылдан кейінгі көрінісі» тақырыбындағы жобалық жұмысты қорғауға аударылды. Қатысушылар өз жобаларында даму стратегиясының негізгі бағыттарын ұсынып, ұзақ мерзімді мақсаттарға қол жеткізуде коучинг тәсілінің маңыздылығын атап өтті.
Іс-шараның қорытындысы бойынша қатысушылар қорытынды сауалнама толтырып, «Мемлекеттік кірістер органдарындағы тиімді менеджмент» бағдарламасы бойынша біліктілікті арттыру сертификаттарын алды.