Қазақстан Республикасы Қаржы министрлігінің Мемлекеттік кірістер комитеті 2026 жылғы шілде айында 2026 жылғы 2-тоқсан үшін қосылған құн салығы бойынша декларацияларда (300.00-нысан) өткізілген тауарлар, жұмыстар мен көрсетілген қызметтер бойынша ҚҚС сомасын төмендету, сондай-ақ 2025 жыл үшін КТС (100.00-нысан) бойынша табысты төмендету фактілерін анықтауға бағытталған камералдық бақылау хабарламалары іске қосылғанын хабарлайды.
Хабарламалар электрондық шот-фактуралар, бақылау-касса машиналары деректерін, валюталық бақылау шеңберінде алынған мәліметтерді, алынған субсидиялар туралы мәліметтерді және салық есептілігінің деректерін салыстыру негізінде қалыптастырылды.
Хабарламаға сәйкес салық төлеушіге отыз жұмыс күні (немесе шамамен 45 күнтізбелік күн) беріледі.
Егер бұзушылықпен келіссе, қосымша салықтық есептілік тапсыру керек, ал келіспеген жағдайда - бұзушылықтардың жоқтығы туралы түсініктеме беру қажет.
Комитет салық төлеушілерді камералдық бақылау хабарламаларының талаптарын уақтылы орындауға шақырады.
Еске саламыз, Қазақстан Республикасының Салық кодексі нормаларына сәйкес хабарламадағы анықталған бұзушылықтар жойылмаған жағдайда салық органдары салықтық тексеру жүргізуге құқылы.