Қазақстан Республикасы Қаржы министрлігінің Мемлекеттік кірістер комитеті бейрезиденттің алынған аванстар (алдын ала төлемдер) бойынша міндеттемелерін кіріс ретінде тану мерзімдерін қолдану тәртібін түсіндіреді.
2026 жылғы 1 қаңтарға дейін салық заңнамасына сәйкес бейрезиденттің алынған аванс (алдын ала төлем) бойынша, аванс төленген күннен бастап 24 ай ішінде орындалмаған міндеттемелері Қазақстан Республикасындағы көздерден алынған бейрезиденттің кірісі болып танылды.
2026 жылғы 1 қаңтардан бастап Қазақстан Республикасының Салық кодексі 679-бабының 1-тармағымен көрсетілген мерзім 24 айдан 12 айға дейін қысқартылды.
Осылайша:
Тиісінше, егер бейрезидент алынған аванс бойынша міндеттемелерді белгіленген мерзім ішінде орындамаса, мұндай орындалмаған міндеттемелердің сомасы салық заңнамасында көзделген тәртіппен Қазақстан Республикасындағы көздерден алынған бейрезиденттің кірісі болып танылады.
Мысал. Егер бейрезидентке аванс 2025 жылғы шілдеде төленген болса, кірісті тану мақсатында 24 айлық мерзім қолданылады. Егер аванс 2026 жылғы шілдеде төленсе, 12 айлық мерзім қолданылады.
Мемлекеттік кірістер комитеті салық төлеушілердің назарын қолданылатын мерзімді айқындау кезінде аванстың (алдын ала төлемнің) төленген күнін ескеру қажеттілігіне аударады.