2026 жылғы 5-7 тамызда Өзбекстан Республикасы Қаржы және экономика министрлігінің Кеден комитеті мен Халықаралық сауда орталығының делегациясы Алматы қаласына келді, сапар шеңберінде екі мемлекет арасында «Кедергісіз транзит» пилоттық жобасын іске асыру процестері мен тетіктері талқыланды.
«Кедергісіз транзит» пилоттық жобасы әріптес елдердің экспорттық және транзиттік декларацияларын әріптес елдерде тауарлар мен көлік құралдарын кедендік декларациялауды жүзеге асыруды жеделдету үшін кейіннен транзиттік декларацияға түрлендірумен алдын ала ақпаратта автоматты түрде түрлендіруді көздейді.
«Кедергісіз транзит» пилоттық жобасын іске асыру жүктердің кедендік шекара арқылы өтуін қысқартуға және оңайлатуға мүмкіндік береді.
Сондай-ақ, 2026 жылғы 7 тамызда Өзбекстан Республикасының Қаржы және экономика министрлігі Кеден комитетінің делегациясы Жетісу облысы бойынша МКД-ның «Алтынкөл» кеден бекетінің қызметімен таныстырылды, оның шеңберінде Өзбекстаннан келген делегация жүктердің шекара арқылы кіруінен бастап, барлық рәсімдерден, оның ішінде аралас қызметтердің бақылауынан өтуін қоса алғанда, шығуына дейінгі өту процесімен және үшінші елдерге «Алтынкөл-Брест-Северный», «Алтынкөл-Сарыағаш», «Алтынкөл-Құрық» маршруттары бойынша үздіксіз транзитпен өтетін контейнерлік пойыздарды кедендік декларациялау кезінде мемлекеттік кірістер органдарының лауазымды адамдарының қатысуынсыз толық автоматтандырылған процеспен таныстырылды.
Тараптар «Кедергісіз транзит» пилоттық жобасын іске асыру үшін тұрақты негізде консультациялар жүргізуге уағдаласты.