Ақтөбе облысының, Ақтөбе қаласында Мемлекеттік кірістер комитеті
Төрағасының халықпен кездесуінде қойылған сұрақтардың тізімі
1.Сұрақ:
ЖШС 23000 теңге салық берешегінің шамалы сомасы кезінде шотты бұғаттады, заңды ма?
Жауап:
Салық кодексіне енгізілген түзетулерге сәйкес 2022 жылғы 1 шілдеден бастап заңды тұлғалардың, дара кәсіпкерлердің және жеке практикамен айналысатын тұлғалардың банктік шоттары бойынша шығыс операциялары салық берешегі өтелмеген жағдайда, егер салық берешегі 6 АЕК-тен (2024 жылы 22,1 мың теңге) асқан жағдайда ғана бұғатталады.
2. Сұрақ:
Біздің компаниямыздың салық берешегі бар және қазіргі уақытта біз уақытша қаржылық қиындықтарды бастан өткеріп жатырмыз, жұмыстар маусымдық сипатта болады, бизнесті сақтап қалғым келеді, жалдамалы қызметкерлер бар, бизнесті сақтаудың қандай нұсқалары бар?
Жауап:
Салық кодексінде салық төлеушінің және (немесе) үшінші тұлғаның мүлкін кепілге қою арқылы немесе банк кепілдігімен уш жылға дейінгі мерзімге салықтарды төлеу бойынша кейінге қалдыру немесе мерзімін ұзарту мүмкіндігі көзделген. Қажетті құжаттарды қоса бере отырып, орналасқан жері бойынша МКБ-ға жүгіну қажет.
3.Сұрақ:
Салық органдары біздің контрагенттерге дебиторлардың банктік шоттарындағы ақшаға өндіріп алу туралы хабарламаларды заңды түрде жібере ме, біз дебиторлардың тізімін салық органдарына жіберген жоқпыз?
Жауап:
Иә. Заңды. Салық кодексіннің 123- бабына сәйкес салық төлеушінің дебиторларын анықтау мақсатында салық органы салық органдарының ақпараттық жүйелерінің деректерін пайдалануға және әлеуетті дебиторларға хабарламалар жіберуге құқылы.
4.Сұрақ:
Есепті кезеңде бухгалтерлер салық төлеушінің кабинеті мен СОНО жүйелерінің жұмысына шағымданады.
Жауап:
СТК, СЕӨЖ жұмыс істеу мүмкіндігіндегі проблемаларды шешу мақсатында СЕӨЖ СТК-да СЕН қабылдау процесіне реинжиниринг жүргізілді, онда ағымдағы жылы аталған АЖ әлеуметтік желілерде/СТК/СЕӨЖ/МКК порталы/Каспи Банкінің, Халық банкі және басқа банктердің мобильді қосымшаларында интеграцияланған байланыс арналары ұлғайтылды.
Алдағы салық кезеңдерінде СТК, СЕӨЖ жұмыс істеу мүмкіндігіне байланысты күрделі проблемалар күтілмейді, қолданыстағы МКК, оның ішінде СТК, СЕӨЖ АЖ алмастыратын жаңа «СӘИЖ» АЖ енгізу жұмыстары аяқталуда.
5. Сұрақ:
ЭШФ АЖ биометрия не үшін енгізіледі?
Жауап:
Бүгінгі күні біз күнделікті өмірде биометрияны үнемі қолданамыз, мысалы:
- ұялы телефонды пайдалану кезінде;
- Мемлекеттік қызметтерді электрондық үкімет порталында (egov) немесе банктердің мобильді қосымшаларында алған кезде;
- Kaspi қосымшасында-автокөлікті қайта ресімдеу, банкоматтан пластикалық карточкасыз ақша алу, кредитті ресімдеу кезінде.
Пилоттық жобаның негізгі мақсаты "бөгде" тұлғаларда тіркелген салық төлеушілердің жалған ЭШФ пайдалану және жазып беру фактілерінің жолын кесу үшін биометриялық сәйкестендіруді пайдалану болып табылады.
Осылайша, салық төлеушілерді "жалған" шот-фактураларды жазудан қорғауға мүмкіндік бар. Қазіргі уақытта биометриялық сәйкестендіру тіркеу кезінде (бір рет) және ЭШФ жазу кезінде қолданылады (қамту СТ жалпы санының 1% құрайды).
Анықтама:
2023 жылғы 5 қазаннан бастап ЭШФ АЖ - де 273 764 СТ, ШФ-4 790 СТ жазып беру кезінде тіркелді.
6. Сұрақ:
Менде ШҚ бар. Мен Еуропадан ауылшаруашылық техникасын сатып алғым келеді. ШҚ үшін жеңілдіктер, босатулар бар ма?
Жауап:
Иә, Егер сіз ҚҚС төлеуші болсаңыз және сіздің тауарыңыз тауар номенклатурасының коды бойынша және атауы бойынша ҚҚС есепке алу әдісімен төленетін Ұлттық экономика министрлігі бекіткен тауарлар тізбесіне кіретін болса, онда сіз ҚҚС-ты нақты төлемей-ақ пайдалана аласыз. Яғни, кедендік ресімдеу кезінде сіз ҚҚС-ты нақты төлеуден босатыласыз, егер бұл техника 5 жыл ішінде одан әрі сатусыз тек өз қажеттіліктері үшін пайдаланылса.
7.Сұрақ:
Қазір ЖТ. банкроттық туралы өтініштері бойынша көптеген бас тартулар бар. Себептері қандай және не істелуде?
Жауап:
Шынында да, 77% - дан астам жағдайда соттан тыс банкроттық рәсімін қолданудан бас тартылды.
Бас тартудың негізгі себептері:
- берешектің мерзімі бойынша сәйкессіздігі (мерзімі өткен 12 айдың болмауы) - 77,2%;
- борышты кредитормен реттеу туралы құжатты ұсынбау (сәйкессіздік) - 8,7%,
- мүліктің болуы, оның ішінде бірлескен-27,6%;
- 1600 АЕК-тен асатын міндеттемелердің болуы-5,3%;
- басқа негіздер (соттан тыс банкроттық кредиторлар тізбесінде ұйымдардың болмауы, қайта өтініш беру мерзімін сақтамау (3 ай), ЖК ретінде тіркелу, ҚР азаматтығы жоқ және т.б.) - 0,5%.
Осы проблеманы шешу үшін Парламент Сенатының қарауындағы Заңға түзетулер әзірленді. Атап айтқанда, түзетулер мыналарды көздейді:
- борышкерді құжаттарды қоса беру міндетінен босату, оның ішінде борышты реттеу, соттан тыс банкроттық рәсімін қолдану туралы өтініш.
- соттан тыс банкроттық рәсіміне жататын кредиторлар тізбесін кеңейту. Түзетулерді іске асыру лицензиялардан айырылған не тиісті тізілімдерден шығарылған, оның ішінде таратылған, тарату сатысындағы қаржы ұйымдары алдындағы міндеттемелер бойынша, сондай-ақ банктік қарыз шарттары, қарыз (кредит) шарттары және жеке тұлғаларға микрокредит беру шарттары бойынша талап ету құқықтары тиесілі өзге де ұйымдар бойынша соттан тыс банкроттық рәсімін қолдануға мүмкіндік береді;
- 1 АЕК-тен кем міндеттемелер бойынша төлемдер кезінде соттан тыс банкроттық рәсімін қолдану (мұндай төлемдер соттан тыс банкроттық рәсімінің мақсаттары үшін борыш бойынша өтеу ретінде есептелмейді) және коллекторлық агенттік өзге мерзімді растамаған жағдайларды қоспағанда, коллекторлық агенттікке талап ету құқығын басқаға бергенге дейін жүргізілген соңғы төлем күнінен бастап борыш бойынша төлем болмауы.
Бұдан басқа, заң нормаларын іске асыруды қамтамасыз ету үшін мемлекеттік органдардың өзара іс-қимылын күшейту бойынша жұмыс жүргізілуде.
8.Сұрақ:
Кедендік декларацияны ресімдеу кезінде Ақтөбелік ЖШС ресімдеуді жүргізген салық органының (Алматы қ.) деректемелерін көрсете отырып, кедендік баж салығын төледі. Төлем дербес шотта көрсетілмеді, өйткені сыртқы экономикалық қызмет басқармасы тіркелген жерін көрсету қажет болды.
Автоматты режимде жүйенің өзі тіркеу орнына таралуы және кедендік төлемдерді қайта төлеудің әуре-сарсаңын тудырмауы үшін төлем рәсімін жеңілдетуге бола ма?
Жауап:
Иә, кейде декларанттар мен кеден өкілдерінің немқұрайлылығына байланысты кедендік баждар мен салықтарды төлеу кезінде осындай қателіктер орын алады. Бұл бөлімде 2025 жылы «Кеден» ақпараттық жүйесін іске қосу жоспарланып отырғанын атап өткім келеді.
Салық және кедендік ақпараттық жүйелерді интеграциялау бойынша жүргізіліп жатқан жұмыс шеңберінде ҚР ҚМ МКК жұмыс тобының қызметкерлері «Астана-1» АЖ жұмысында орын алған барлық ескертулер мен кемшіліктерді ескеретін болады.
9.Сұрақ:
Азаматтарды жалпыға бірдей декларациялауды енгізудің мақсаты қандай?
Жауап:
Жалпыға бірдей декларациялау келесі мақсаттарда енгізілуде:
-жеке тұлғалардың кірістерін бақылаудың тиімді тетігін құру;
- әділ салық салуды қамтамасыз ету және әлеуметтік саясатты жетілдіру;
- сыбайлас жемқорлық пен көлеңкелі экономика деңгейін төмендету.
10.Сұрақ:
Деректерді бұзудың ақпараттық қауіпсіздігін қамтамасыз етудің қандай кепілдіктері бар?
Жауап:
МКК ақпараттық жүйелері Интернетке шықпай-ақ жабық контурда жұмыс істейді. Бұл салық төлеушілерден алынған барлық мәліметтердің сақталуын қамтамасыз етеді. Мемлекеттік техникалық қызмет тоқсан сайын МКК жүйелерінің ақпараттық қауіпсіздігін қамтамасыз ету мониторингін жүргізеді.