Жер қойнауын пайдаланушының тарихи шығындарды өтеу бойынша төлемді төлеу бойынша міндеттемелері қашан пайда болады?
Жауап
Салық кодексінің 769-бабының 1-тармағына сәйкес тарихи шығындарды өтеу бойынша төлемді(бұдан әрі - ТШӨТ) жер қойнауын пайдаланушы келісімшарт аумағында (учаскесінде) өндіруді бастаған кезден және мына күндердің неғұрлым ертерегі басталғаннан бастап төлейді:
коммерциялық табуды жариялау;
Қазақстан Республикасының жер қойнауы және жер қойнауын пайдалану туралы заңнамасына сәйкес өндіру кезеңіне (сатысына) ауысу;
пайдалы қазбаларды өндіруге арналған лицензияны беру;
пайдалы қазбаларды өндіруге арналған келісімшартты жасасу.
Осылайша, ТШӨТ төлеу бойынша міндеттемелер өндіру басталғаннан және Салық кодексінің769-бабының 1-тармағында көзделген күндердің ең ерте басталуынан туындайды.
Мысалы, егер жер қойнауын пайдаланушы өндіруді 2026 жылдың 1 қыркүйегінде бастаған болса, ал өндіруге келісімшарт 2026 жылдың 1 ақпанында жасалған болса, ТШӨТ төлеу бойынша міндеттемелер 2026 жылдың 1 қыркүйегінен бастап пайда болады, өйткені дәл осы күннен бастап өндіру басталды.