Өзін-өзі жұмыспен қамтығандарға әлеуметтік төлемдер бойынша өсімпұлды қалай төлеу керек
Әлеуметтік төлемдерді уақтылы немесе толық төлемегені үшін өсімпұлды мыналар арқылы енгізуге болады:
– екінші деңгейлі банктердің мобильді қосымшалары (мысалы, Halyk: Төлемдер → Барлық төлемдер → Мемлекеттік төлемдер → Өзін-өзі жұмыспен қамтығандар);
– Kaspi.kz (Мемқызметтер / Төлемдер → Айыппұлдар мен салықтар → Өзін-өзі жұмыспен қамтығандарға арналған аударымдар немесе өсімпұлдар бойынша жеке төлемдер бөлімі);
– «Қазпошта» АҚ бөлімшелері.
Есептелген өсімпұл сомасын алдын ала «e-Salyq Business» мобильді қосымшасында немесе Салық төлеуші кабинетінде тексеруге болады.
Маңызды: «e-Salyq Business» қосымшасы арқылы әлеуметтік төлемдер мен өсімпұл сомаларын төлеу (есептен шығару) жүргізілмейді. Қосымша чектерді қалыптастыру және міндеттемелерді есептеу үшін пайдаланылады.
Өсімпұлды төлеу кезінде төлем мақсатының дұрыс кодын (ТМК) көрсету қажет:
– 019 - міндетті зейнетақы жарналары бойынша өсімпұл (МЗЖ);
– 098 - жұмыс берушінің міндетті зейнетақы жарналары бойынша өсімпұл (ЖМЗЖ);
– 017 - әлеуметтік аударымдар бойынша өсімпұл (ӘА);
– 124 - міндетті әлеуметтік медициналық сақтандыруға арналған жарналар бойынша өсімпұл (МӘМСЖ).