Жеке тұлғалардың банкроттығы бойынша сұрақтарға жауаптар(БҚО бойынша МКД)
❓ Сұрақ:Жеке тұлғаның банкроттығына байланысты бас тарту себебін және (немесе) қабылданған шешімді қайдан көруге болады?
❗ Жауап:Қазақстан Республикасының «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заңының 47-бабы 1-тармағының 1) тармақшасына сәйкес уәкілетті орган өзінің интернет-ресурсында және «электрондық үкіметтің» веб-порталында:
1️⃣ соттан тыс банкроттық рәсімі қолданылған, тоқтатылған және аяқталған азаматтардың тізімін;
2️⃣ тиісті сот ұйғарымдары мен шешімдері заңды күшіне енген азаматтардың тізімін орналастырады.
Өтініштің мәртебесі, банкроттық рәсімін қолдану, аяқтау немесе қолданудан бас тарту туралы қабылданған шешім, сондай-ақ қабылданған шешімнің негіздері туралы ақпарат eGov.kz веб-порталындағы жеке кабинетте, сондай-ақ Tazalau (Qoldau) порталында қолжетімді.
❓ Сұрақ:Егер азамат банкрот деп танылса, қарыздары қандай мерзімде есептен шығарылады?
❗ Жауап:Борышкердің кредиторлар алдындағы міндеттемелері «электрондық үкімет» веб-порталында соттан тыс банкроттық рәсімінің аяқталғаны және борышкердің банкрот деп танылғаны туралы хабарландыру орналастырылған күннен бастап тоқтатылады.
❓ Сұрақ:3 жыл бұрын банкрот деп танылдым. Үш жылдан кейін банкроттық мәртебесі жойылды. Оның негіздерін қайдан көруге болады?
❗ Жауап:Банкроттың қаржылық жағдайына мониторинг жүргізуді уәкілетті орган борышкер банкрот деп танылғаннан кейін үш жыл бойы жүзеге асырады.
Кредиторлар уәкілетті органнан ақпарат алған жағдайда Қазақстан Республикасының Азаматтық процестік кодексіне сәйкес борышкерді банкрот деп тану туралы шешімнің күшін жою және банкроттық рәсімін қайта бастау туралы сотқа жүгінуге құқылы.
Қазақстан Республикасының «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заңының 47-бабы 1-тармағының 1) тармақшасына сәйкес уәкілетті орган өзінің интернет-ресурсында және «электрондық үкімет» веб-порталында:
1️⃣ соттан тыс банкроттық рәсімі қолданылған, тоқтатылған және аяқталған азаматтардың тізімін;
2️⃣ тиісті сот ұйғарымдары мен шешімдері заңды күшіне енген азаматтардың тізімін орналастырады