«Банкроттық рәсімін қозғауды тоқтата тұру туралы»

      Қазақстан Республикасы Үкіметінің 2021 жылғы 17 сәуірдегі № 250 қаулысымен бекітілген, 2021 жылдың соңына дейін экономикалық өсуді қалпына келтіру жөніндегі кешенді жоспардың 84-6 тармағымен мемлекеттік органдардың және квазимемлекеттік  секторлардың  бастамасы бойынша заңды тұлғалардың  және дара кәсіпкерлердің банкроттығы туралы істер қозғауды тоқтата тұру қарастырылған.

      Кешенді жоспардың бұл тармағын жүзеге асыру үшін 2021 жылдың   4 наурызынан қолданысқа енгізілген «Банкроттық рәсімін қозғауды тоқтата тұру туралы» Қазақстан Республикасы Үкіметінің 2021 жылғы 23 сәуірдегі   № 265 қаулысымен кредиторлар атынан мемлекеттік органдар мен квазимемлекеттік сектор субъектілерінің заңды тұлғаларды және дара кәсіпкерлерді банкрот деп тану туралы сотқа өтініш беруі 2021 жылғы  1 шілдеге дейін тоқтатылды.

      Сондай-ақ, айта кететін жағдай борышкерлер мен өзге кредиторлар атынан заңды тұлғаларды және дара кәсіпкерлерді банкрот деп тану туралы сотқа өтініш беру тоқтатылмайды.