Декларацияның 31-бағанын дұрыс толтыру туралы
Жамбыл облысы бойынша Мемлекеттік кірістер департаменті сыртқы экономикалық қызметке қатысушылардың тауарларға арналған декларацияның «Жүк орындары және тауарлардың сипаттамасы» 31-бағанын толтыру талаптарын қатаң сақтау қажеттілігіне назар аударады.
31-бағанды толтыру кезінде декларацияланатын тауар туралы тауарды сәйкестендіруге және ЕАЭО ТН ВЭД-інің он таңбалы тиісті кодын айқындауға мүмкіндік беретін толық әрі дұрыс мәліметтер көрсетілуі қажет.
Тауардың сипаттамасында тиісті мәліметтер болған жағдайда оның атауы, өндірушісі, тауар белгісі, маркасы, моделі, артикулы, техникалық және коммерциялық сипаттамалары, құрамы, саны, өлшем бірліктері, сондай-ақ тауарды сәйкестендіру, кедендік төлемдерді есептеу және тыйымдар мен шектеулерді сақтау үшін қажетті өзге де сипаттамалар көрсетілуі тиіс.
Назар аударамыз: тауардың толық емес немесе дұрыс көрсетілмеген сипаттамасы ұсынылған мәліметтерді нақтылау қажеттілігіне, кеден органдары тарапынан қосымша сұрау салуларға, кедендік операциялардың жасалу мерзімінің ұзаруына, сондай-ақ НИП «КЕДЕН» жүйесінде деректердің автоматтандырылған өңделуінің қиындауына әкелуі мүмкін.
Осыған байланысты сыртқы экономикалық қызметке қатысушыларға декларацияны ұсынар алдында 31-бағанда көрсетілген мәліметтердің толықтығы мен дұрыстығын мұқият тексеру ұсынылады.
31-бағанды дұрыс толтыру — кедендік операцияларды сапалы және уақтылы жүзеге асырудың маңызды шарты.
Сыртқы экономикалық қызметке қатысушылардан осы мәселеге ерекше назар аударып, тауарларға арналған декларацияларды дұрыс толтыруды қамтамасыз етуді сұраймыз.