Жамбыл облысы бойынша Мемлекеттік кірістер департаменті мемлекеттік қызметтерді оңтайландыруға қатысты негізгі өзгерістер туралы хабарлайды.
2021 жылғы 1 қаңтардан бастап мынадай қызметтерді көрсету мерзімдері қысқартылды:
- салықтық өтініш бойынша салық есептілігін кері қайтарып алу -салықтық өтініш берілген күннен бастап 1 жұмыс күніне дейін;
- салық есептілігін табыс етуді тоқтата тұру - бір жұмыс күніне дейін;
- әділет органдарының сұрау салуы бойынша берешектің жоқ (бар) екендігі туралы мәліметтер - үш жұмыс күніне дейін;
- салықтарды, бюджетке төленетін төлемдерді, өсімпұлдар мен айыппұлдарды есепке жатқызуды/қайтаруды жүргізу - 5 жұмыс күніне дейін қысқартылды.
– Қазақстан Республикасының резиденттігін растау-3 жұмыс күніне дейін.
2021 жылғы 1 қаңтардан бастап Салық кодексінің 76-бабы шеңберінде жеке тұлғаларды - бейрезиденттерді, шетелдіктерді және азаматтығы жоқ адамдарды мемлекеттік кірістер органдарының салық төлеуші ретінде тіркеу функциясы алып тасталды.
Бұл шетелдіктер мен азаматтығы жоқ адамдар:
- Қазақстан Республикасындағы (бұдан әрі-ҚР) көздерден кіріс алатын,
- Салық кодексінің 217-бабына сәйкес ҚР резиденті деп танылғандар,
- ҚР мүлікті сатып алушылар,
- Қазақстан Республикасында қызметін филиал, өкілдік арқылы жүзеге асыратын бейрезидент-заңды тұлғалардың бірінші басшылары болып табылатын тұлғалар жатады.
Резидент емес жеке тұлғалар, шетелдіктер немесе азаматтығы жоқ адамдар ЖСН беру, тіркеу деректерін өзгерту, СТН-ді алып тастау үшін тіркеуші органдарға (көші-қон полициясы, «Азаматтарға арналған үкімет» мемлекеттік корпорациясы» КЕАҚ) өтініш беруі қажет.
Бейрезидентті Салық кодексінің 76-бабы шеңберінде салық төлеуші ретінде тіркеуді мемлекеттік кіріс органдары бейрезидент заңды тұлғалар үшін ғана жүзеге асыратын болады. МКК http://kgd.gov.kz web-порталы арқылы заңды тұлғалардың резидент еместерін тіркеуге өтініш беру сервисі іске асырылды.