"ЕСЕП" КТ АЛАҢЫНДАҒЫ ФОРУМ

Ағымдағы жылдың 30 қыркүйегінде Өскемен қаласында Шығыс Қазақстан облысында кәсіпкерлер мен бухгалтерлер үшін "Есеп" КТ негізін қалаушы, Алматы қаласы бойынша "Атамекен" ҰКП Өңірлік кеңесінің төрағасы Максим Барышевтың қатысуымен "Бухгалтерия және бизнес. 2022-2023 жылдар аралығында Қазақстанның әрбір кәсіпкеріне қатысты салық заңнамасындағы соңғы өзгерістер" тақырыбында бірінші форум өткізілді.

300-ден астам салық төлеушіні, өңірдің салық консультанттарын жинаған форумды "Есеп" КТ негізін қалаушы Максим Барышев және "Есеп" бухгалтерлік аутсорсингінің франчайзингтік желісінің серіктесі, "Есеп" компаниялар тобының басқарушы директоры Анна Осипова ашты.

Ұйымдастырушылар ретінде "Есеп" КТ, "Атамекен" ҰКП, Қазақстан-Америка еркін университеті, спикерлер ретінде Қазақстанның барлық өңірлерінен салық консультанттары, оның ішінде ШҚО бойынша Мемлекеттік кірістер департаменті Түсіндіру жұмыстары басқармасы басшысының м.а. Сабралимова Гүлмира Камильевна сөз сөйледі.

Форум сессиясында кәсіпкерлер үшін салық заңнамасындағы келесі өзгерістер бойынша "Бейрезиденттерге арналған КТС", "Дивидендтерге салық салу", "Жалпыға бірдей декларациялау", "Бақылау - кассалық машина", "ҮКИЖ", "ТБЖ", "Бөлшек салықтың арнайы салық режимі" және т. б. сияқты өзекті тақырыптар қамтылды.

Іс - шара барысында спикерлер пайдалы ақпаратпен және тәжірибемен бөлісті, кәсіпкерлерге бірнеше шеберлік сабақтарын көрсетті, ал қатысушылар қонақтармен жеке танысып, қызықтырған сұрақтарын қоя алды.

Форум аясында ШҚО бойынша Мемлекеттік кірістер департаменті, Түсіндіру жұмыстары басқармасы басшысының м. а. Гүлмира Сабралимова "Тәуекелдерді басқару жүйесі" тақырыбында баяндама жасап, мемлекеттік кірістер органдарының "E-Salyq Azamat!», «E-Salyq Business!", "SalyqBot", кәсіпкерлерге үш компонентті интеграцияланған жүйені орнату бойынша ұсыныстар берді, жүйенің артықшылықтары мен ыңғайлылығын атап өтті. Сондай-ақ, Гүлмира Сабралимова қатысушылардың тәуекелдерді басқару жүйесі, БКМ, мүліктік кіріс, ҚҚС бойынша есепке қою және т. б. бойынша барлық сұрақтарына жауап берді.

Мұндай ауқымды форумды Шығыс Қазақстанда алғаш рет өткізу, кәсіпкерлерге бизнесті қолайлы жүргізу мүмкіндігін ашады, бұл мемлекет пен бизнес арасындағы өзара түсіністікті жақсартуға ықпал етеді.

Толығырақ: https://forumbb.uchet.kz/