«Виртуалды қойма» модулінде ЭШФ жазып беру жөніндегі міндеттеме 2020 жылғы 1 қазаннан кеңейтілді

Шығыс Қазақстан облысы бойынша Мемлекеттк кірістер департаменті (бұдан әрі – Департамент) салық төлеушілердің назарына, «Электрондық шот-фактуралардың ақпараттық жүйесінің «Виртуалды қойма» модулі арқылы электрондық шот – фактуралар жазып берілетін тауарлардың тізбесін бекіту туралы» Қазақстан Республикасы Премьер-Министрінің Бірінші орынбасары – Қазақстан Республикасы Қаржы министрінің 2019 жылғы 23 сәуірдегі № 384 бұйрығына толықтырулар енгізу туралы» Қазақстан Республикасы Қаржы министрінің 2020 жылғы 14 қыркүйектегі № 862 бұйрығымен «Виртуалды қойма» модулін қолдану кеңейтілгенін хабарлайды.

Көрсетілген бұйрық электрондық шот-фактураларды жазып беру арқылы Виртуалды қоймамен жұмыс істеудің қолданыстағы тетігін қолдануға негізделген және халықтың әлеуметтік осал топтарын қорғау мақсатында, сондай-ақ алтын/құрамында алтыны бар кенді өндіруге бақылауды күшейту және оның көлеңкелі айналымын азайту жөніндегі Жол картасын іске асыру мақсатында дәрі-дәрмектер айналымының, баға белгілеудің мемлекеттік мониторингін қамтамасыз ету үшін әзірленді.

«Виртуалды қойма» модулі тауарларының тізбесіне дәрілік заттар бойынша СЭҚ ТН 39 коды және құрамында алтын бар тауарлар бойынша СЭҚ ТН 12 коды енгізілді.

Жоғарыда аталған тауар топтары үшін «Виртуалды қойма» модулінде ЭШФ жазып беру жөніндегі міндеттеме 2020 жылғы 1 қазаннан басталады.

Көрсетілген бұйрыққа сәйкес, «Виртуалды қойма» модулінде ЭШФ жазып беру міндеттемелері бар салық төлеушілерге  консультациялық көмек көрсету үшін,  Департамент WhatsApp чатын құрғандығын хабарлайды.

Бұл ретте, салық төлеушілерді чатқа қосу үшін чат әкімшісінің байланыс деректері - 8-777-504-94-47; 8-7232-70-04-59.

 

Түсіндіру жұмыс басқармасы