Салықтың, бюджетке төленетін төлемдердің, әлеуметтік төлемдердің, айыппұлдардың, өсімпұлдардың барлық немесе жекелеген түрлері бойынша бюджетпен есеп айырысудың жағдайы туралы салық төлеушінің дербес шотынан көшірме (бұдан әрі- Көшірме) - бұл мемлекеттік кірістер органдарында есеп жүргізу көзделген салық төлеушілердің дербес шоттары бойынша, бюджеттік сыныптаманың кодтары бойынша ақпарат.
Салық төлеушілерге ыңғайлы болу үшін 2020 жылдың 20 желтоқсанынан бастап дербес шоттар барлық мемлекеттік кірістер басқармалары бойынша қалыптастырылады, оларда дербес шоттар бірден бірнеше кезеңге ашылады.
Жеке шоттан үзінді-көшірме алу кез келген қызықтыратын уақыт кезеңі үшін жүзеге асырылуы мүмкін.
Үзінді жеке тұлғалар үшін де, заңды тұлғалар үшін де ұсынылады.
Жеке шоттан көшірме кезеңнің басындағы және соңындағы сальдо жазбаларынан тұрады. Сондай-ақ салықтардың, бюджетке төленетін төлемдердің, әлеуметтік төлемдердің, өсімпұлдар мен айыппұлдардың есептелген, кемітілген, төленген(қайтарылған) сомалары көрсетіледі.
Көшірме салық төлеушінің салықтық өтініші бойынша электрондық түрде осындай өтініш келіп түскен күннен бастап 1 (бір) жұмыс күнінен кешіктірілмей табыс етіледі. Бұл ретте салық төлеуші "Электрондық үкімет" веб-порталы www.egov.kz " немесе "Салық төлеушінің кабинеті" веб-қосымшасы арқылы үзінді көшірме алуға өтініш жіберуге құқылы.
Карменова А.С.
ШҚО бойынша МКД МҚКБ
бас маманы