Мемлекеттік кірістер органдары салық заңнамасының бұзылуын анықтау мен алдын алуға және есепке алынбаған айналымды қысқартуға бағытталған рейдік іс-шараларды тұрақты негізде жүргізіп келеді.
Іс-шаралар барысында бақылау-касса машиналарын қолдануға, фискалдық чекті беруге, кірістердің толық көрсетілуіне, сондай-ақ кәсіпкерлік субъектілерінің салық заңнамасының белгіленген талаптарын сақтауына бақылау жүзеге асырылады. Сауда, қоғамдық тамақтандыру және қызмет көрсету саласындағы объектілерге ерекше назар аударылады.
Өткізілетін рейдік іс-шаралар бұзушылықтарды анықтап қана қоймай, кәсіпкерлермен салық міндеттемелерін ерікті әрі адал орындауға бағытталған түсіндіру жұмыстарын жүргізуге мүмкіндік береді.
Бұл жұмыс салықтық тәртіпті арттырудың және көлеңкелі экономика деңгейін төмендетудің практикалық құралдарының бірі болып табылады.