2026 жылғы 18 маусымда «Өскемен-ЦТО» кеден бекетінде «Кеден» АЖ-де электрондық сауда тауарларын декларациялау тәртібі мәселесі бойынша дөңгелек үстел өткізілді.
Жақын арада «Keden» ҒЗЖ ақпараттық жүйесінде «электрондық сауда тауарларына декларация (ДЭТ)» жаңа модулін іске қосу жоспарлануда.
2026 жылғы 1 шілдеден бастап Еуразиялық экономикалық одақтың Кеден кодексіне және Қазақстан Республикасының заңнамасына сәйкес жеке тұлғалар шетелдік интернет-алаңдарда және интернет-дүкендерде сатып алған тауарлар электрондық сауда тауарларына жатады және белгіленген тәртіппен кедендік операциялар жасауға жатады.
Электрондық сауда арқылы жасалған сыртқы сауда мәмілелері шеңберінде жеке тұлғалар сатып алған және Жеке пайдалану үшін Еуразиялық экономикалық одақтың кедендік аумағына әкелінетін тауарлар электрондық сауда тауарлары деп танылады.
Электрондық сауда тауарларына қатысты бір сәлемдемеге 200 еуро мөлшерінде бажсыз әкелудің құндық нормасы сақталады. Егер тауардың құны белгіленген шектен аспаған жағдайда, кедендік төлемдерді төлеу жүргізілмейді.
200 еуро мөлшеріндегі құн шегінен асқан кезде электрондық сауда тауарларына қатысты кедендік баж тауар құнының 5 проценті мөлшерлемесі бойынша, бірақ 1 килограмы үшін 1 еуродан кем емес, сондай-ақ 16 процент мөлшеріндегі ҚҚС төленуге тиіс.
Кездесу барысында кеден бекетінің лауазымды тұлғалары электрондық сауда тауарларын кедендік ресімдеу тәртібін егжей-тегжейлі түсіндірді.