2026 жылғы 1 қаңтардан бастап Қазақстанда салық салудың барлық негізгі аспектілеріне — салық мөлшерлемелерінен бастап салықтық әкімшілендіру және салық есептілігін ұсыну тәртібіне дейін әсер ететін жаңа Салық кодексі қолданысқа енгізілді.
Осы өзгерістердің мақсаты – қызмет көрсету моделіне көшу, бизнес пен мемлекеттің өзара іс-қимылын цифрландыру, салық міндеттемелерін әкімшілендіруді жеңілдету, ашықтықты арттыру, сондай-ақ шағын және микробизнесті қолдау.
Қазақстан Республикасының жаңа Салық кодексіне сәйкес салық есептілігінде не өзгерді?
2. Есептілік саны қысқарды
Салық есептілігінің нысандары 30%-ға қысқартылып, бұрынғы 39 СЕН орнына 28 нысан ғана қалды. Бұл дегеніміз: құжаттар мен нысандар азайды;
қайталанатын ақпарат қысқарды; қандай есепті қашан тапсыру керектігін түсіну жеңілдеді.
Қазіргі уақытта келесі нысандардың күші жойылды: 911.00, 912.00, 913.00 нысандары (патент, тіркелген шегерім және бөлшек салық негізіндегі арнаулы салық режимдерінің жойылуына байланысты); 101.01 нысаны (автоматтандыру); 180.00 нысаны (100.00 нысанына қосымша ретінде); 240.00 нысаны (270.00 нысанының құрамына енгізіледі); 421.00 нысаны (400.00 нысанына қосымша ретінде); 540.00 нысаны (150.00 нысанына қосымша ретінде); 560.00 және 570.00 нысандары (590.00 нысанына қосымша ретінде); 701.00 нысаны (автоматтандыру).
Бұл шара кәсіпкерлік субъектілеріне және салық төлеушілерге түсетін әкімшілік жүктемені азайтуға бағытталған. Әсіресе, есепті өз бетінше жүргізетін жеке кәсіпкерлер мен шағын бизнес үшін бұл өте маңызды.