Қазақстан Республикасының Салық кодексіне сәйкес тауарларды сату, жұмыстарды орындау және қызметтер көрсету кезіндегі ақшалай есеп айырысулар мемлекеттік тізілімге енгізілген бақылау-касса машиналарын (БКМ) міндетті түрде қолдана отырып жүзеге асырылуға тиіс.
Бұл ретте заңнамада БКМ қолданудан босатылған адамдардың тізбесі белгіленген. Оларға, атап айтқанда, жеке тұлғалар, адвокаттар, жеке сот орындаушылары, екінші деңгейдегі банктер, діни бірлестіктер, сондай-ақ жекелеген ұйымдар мен қызмет түрлері, соның ішінде билет берумен қоғамдық көлік жатады. Мемлекеттік коммуналдық кәсіпорындар мен энергетика секторының ұйымдары бұл тізімге кірмейді, сондықтан олар ақшалай есеп айырысуларды жүргізу кезінде БКМ қолдануға міндетті.
ККМ қолдану міндеті тек қолма-қол ақшамен, төлем карталарын немесе мобильді төлемдерді пайдалану арқылы есеп айырысу кезінде ғана туындайтынын ескеру маңызды. Егер төлем қолма-қол ақшасыз тәсілмен — банк арқылы бір банктік шоттан екіншісіне қаражат аудару жолымен жүзеге асырылса, БКМ қолдану талап етілмейді. Бұл жағдайда төлемді растайтын құжат ретінде кассалық чек емес, банктік түбіртек қызмет етеді.
ШҚО бойынша Мемлекеттік кірістер департаменті