Қазақстан Республикасы Қаржы министрінің 2026 жылғы 4 маусымдағы №363 бұйрығына сәйкес елімізде шетелдік туристерге арналған «Tax Free» пилоттық жобасы жүзеге асырылуда.

«Tax Free» — шетелдік туристерге Қазақстанда сатып алған тауарларын Еуразиялық экономикалық одақтың кедендік аумағынан тыс жерге әкету кезінде ҚҚС сомасының бір бөлігін қайтаруға мүмкіндік беретін жүйе.

Жоба ЕАЭО-ға мүше мемлекеттердің азаматтарына қолданылмайды.

📍 Пилоттық жоба Алматы, Астана, Ақтау, Ақтөбе, Атырау, Балқаш, Қарағанды, Қостанай, Павлодар, Петропавл, Семей, Тараз, Түркістан, Орал, Өскемен, Шымкент қалаларында, сондай-ақ Бурабай кентінде орналасқан стационарлық сауда нысандарында жүзеге асырылады.

🔹 ҚҚС өтемақысы жалпы сомасы кемінде 10 АЕК, яғни 2026 жылы 43 250 теңге болатын азық-түлікке жатпайтын тауарларды сатып алған жағдайда беріледі.

🔹 «Tax Free» құжатын сатушы ҚҚС сомасы көрсетілген кассалық чек негізінде қағаз немесе электрондық түрде ресімдейді.

Жобаға ҚҚС төлеуші ретінде тіркелген және стационарлық сауда нысандарында азық-түлік емес тауарларды бөлшек саудада өткізетін кәсіпкерлер қатыса алады.

«Tax Free» жүйесіне қосылудың бизнес үшін артықшылықтары:

✅ шетелдік туристерді тарту;
✅ сату көлемі мен орташа чек мөлшерін арттыру;
 сауда нүктесінің бәсекеге қабілеттілігін күшейту;
 туристерге ҚҚС-ты халықаралық деңгейде қайтару қызметін ұсыну.

Жүйеге қосылу және оны бизнес үшін пайдалану — тегін.

Толық ақпарат және жобаға қосылу:

🌐 taxfree.kz
🌐 globalblue.com