Қазақстан Республикасы Қаржы министрлігі Мемлекеттік кірістер комитетінің Солтүстік Қазақстан облысы бойынша Мемлекеттік кірістер департаменті Еуразиялық экономикалық комиссия Кеңесінің 2022 жылғы 17 наурыздағы № 37 шешімін (бұдан әрі-№37 шешім) қабылдағаны туралы хабарлайды.
Осыған байланысты, «Астана-1» ақпараттық жүйесінде № 37 шешіммен көзделген жеңілдіктерді пайдалана отырып тауарларға арналған декларацияларды (бұдан әрі – ТД) қалыптастыру кезінде ТД «Преференция» 36-бағанында «КИ» жіктеуішін, ал ТД 44-бағанында «07012» коды бар құжаттн (кедендік төлемдерді төлеу бойынша жеңілдіктер беру мақсаттары мен шарттарының сақталуын растайтын құжаттар) көрсету туралы ақпаратты сыртқы экономикалық қызметке қатысушылардың назарына жеткіземіз.
Бұл ретте №37 шешімнің №1 қосымшасынан тауарларды декларациялау кезінде «07012» коды бар құжаттың астында мынадай нөмірі бар құжатты көрсету қажет: «№000000».
Кеден одағы Комиссиясының 2010 жылғы 20 қыркүйектегі № 378 шешіміне № 7 қосымшаға кеңес беруші өзгерістер енгізілгенге дейін тауарларды декларациялаудың көрсетілген тәртібі сақталсын.