«Чекті талап ет- жүлде ұтып ал» шарасын өткізу туралы.
Қазақстан Республикасы Қаржы Министрлігі фискалдық деректер операторымен бірге 2024 жылғы 4 қыркүйектен бастап 2024 жылғы 31 желтоқсан аралығанда бақылау- кассалық машинасы чегін басуды арттыру мақсатында «Чекті талап ет- жүлде ұтып ал» шарасын жүргізеді.
Акция кезінде Қазақстанның әрбір тұрғыны кез келген затты сатып алу немесе ақылы қызметті қолдану кезінде смартфон және басқа да бағалы сыйлықтар ұтып алу мүмкіндігіне ие болады. Тек тауарлар, жұмыстар және қызметтер үшін төленген сомаға берілетін чектерді «Amian» мобильдік қосымшасында тіркесе болды. Акцияға тек деректерді тіркеу және (немесе) беру функциясы бар бақылау-кассалық машиналардың чектері қатысады.
Акцияны өткізудің мақсаты азаматтық белсенділікті арттыру, азаматтардың тауар, жұмыс және қызмет тұтынушысы ретіндегі өз мүдделерін қорғау бойынша құқықтық мәдениетін қалыптастыру, көлеңкелі экономиканың мөлшерін қысқарту болып табылады.