БЕКІТІЛГЕН
Қазақстан Республикасы
Қаржы министрлігінің
Мемлекеттік кірістер
комитеті төрағасының
бұйрығымен
2025 жылғы «26» маусым №541
«Қазақстан Республикасы Қаржы министрлігі Мемлекеттік кірістер комитетінің облыстар, республикалық маңызы бар қалалар және астана бойынша мемлекеттік кірістер департаменттерінің және олардың аумақтық органдарының ережелерін бекіту туралы» Қазақстан Республикасы Қаржы министрлігінің Мемлекеттік кірістер комитеті Төрағасының 2016 жылғы 7 қыркүйектегі № 522 бұйрығына өзгерістер енгізу туралы
көрсетілген бұйрықпен бекітілген Қазақстан Республикасы Қаржы министрлігі Мемлекеттік кірістер комитетінің Солтүстік Қазақстан облысы бойынша Мемлекеттік кірістер департаменті туралы ережеде:
13-тармақта:
11) тармақшасы мынадай редакцияда жазылсын:
«11) құзыреті шегінде «Валюталық реттеу және валюталық бақылау туралы» Қазақстан Республикасының Заңына сәйкес валюталық бақылауды жүзеге асыру;»;
мынадай мазмұндағы 12) тармақшамен толықтырылсын:
«12) Қазақстан Республикасының заңнамасында көзделген өзге де міндеттерді орындау.»;
14-тармақта:
1) тармақшаның отыз тоғызыншы абзацы мынадай редакцияда жазылсын:
«валюталық операциялар бойынша есептілікті ұсыну тәртібін айқындау, валюталық операцияларды жүргізуге байланысты құжаттарды және (немесе) ақпаратты сұрату, Қазақстан Республикасында барлық резидент пен бейрезиденттің орындауы мiндеттi болып табылатын, анықталған бұзушылықтарды, оларды жасауға ықпал еткен себептер мен жағдайларды жою туралы талаптар қою және Қазақстан Республикасының заңнамасында көзделген басқа да шараларды қабылдау;»;
1) тармақша мынадай мазмұндағы қырықыншы және қырық бірінші абзацпен толықтырылсын:
«Еуразиялық экономикалық одаққа мүше мемлекеттермен Қазақстан Республикасының Мемлекеттік шекарасы арқылы тауарлар өткізуді жүзеге асыратын жеке және заңды тұлғалардан Қазақстан Республикасының заңнамасында белгіленген, өткізілетін тауарларға қатысты құжаттар мен мәліметтерді сұрату және алу;
қолданыстағы заңнамалық актілерде көзделген өзге де құқықтарды жүзеге асыру;»;
2) тармақшаның қырық бірінші абзацы мынадай редакцияда жазылсын:
«өз өкiлеттіктерiн жүзеге асыру кезінде, оның ішінде Қазақстан Республикасының валюталық заңнамасына сәйкес электрондық нысанда ақпарат алмасу кезінде өздеріне белгiлi болған, коммерциялық, банктік және заңмен қорғалатын өзге де құпияны, оларды Қазақстан Республикасының заңдарына сәйкес ұсынуды қоспағанда, Қазақстан Республикасының заңнамасына сәйкес сақтау;»;
2) тармақша мынадай мазмұндағы қырық екінші абзацпен толықтырылсын:
«Қазақстан Республикасының заннамасымен көзделген өзге де міндеттерді жүзеге асыру.»;
15-тармақта:
39) тармақша мынадай редакцияда жазылсын:
«39) Қазақстан Республикасының заңнамасына сәйкес өзіндік ерекшелігі бар тауарларды бақылауды жүзеге асыру;»;
мынадай мазмұндағы 99-8), 99-9) және 99-10) тармақшаларымен толықтырылсын:
«99-8) Қазақстан Республикасының Ұлттық Банкімен және валюталық бақылау агенттерімен бірлесіп резиденттердің (шетелдік ұйымдардың филиалдарын (өкілдіктерін) қоспағанда) репатриациялау талабын орындауын бақылау мақсатында экспорт немесе импорт жөніндегі жекелеген валюталық шарттар шеңберінде ақша қозғалысын және міндеттемелердің өзге де орындалуын мониторингтеуді жүзеге асыру;
99-9) «Валюталық реттеу және валюталық бақылау туралы» Қазақстан Республикасы Заңының 9-бабы 2-тармағында көрсетілген резиденттердің экспорт немесе импорт бойынша ұлттық валютаны және (немесе) шетел валютасын репатриациялау талабын орындауына валюталық бақылауды жүзеге асыру;
99-10) тексерілетін резиденттің экспорт немесе импорт бойынша ұлттық және (немесе) шетел валютаны репатриациялау талабын орындауына валюталық бақылау жүргізу кезінде «Валюталық реттеу және валюталық бақылау туралы» Қазақстан Республикасы Заңының 20-бабы 3-тармағының 3) тармақшасында көзделген тексеруді жүргізу және (немесе) бақылаудың өзге де нысанын жүзеге асыру;».