Яғни, жоғарыда көрсетілген Заң талаптарына сай, алкоголь өнімдерін базар аумағында сатуға, ілеспе жүкқұжаттарынсыз тасымалдауға және сақтауға, алкоголь өнімдерін лицензиясыз сақтауға және сатуға, алкоголь өнімдеріне және темекі бұйымдарына күмәнді бақылау есеп маркілерімен айналымға шығаруға тыйым салынған.
Осыған сәйкес, Заңның және Қазақстан Республикасының нормативтік құқықтық актілерінің көрсетілген талаптары сақталмаған жағдайда, Қазақстан Республикасының әкімшілік құқық бұзушылық туралы кодексінің (әрі қарай – ҚР ӘҚБтК) талаптарына сәйкес әкімшілік жазалар қарастырылған. Атап айтқанда, тиісті лицензиясыз алкоголь өнімдерін сату, айналымдағы алкоголь өнімдері тәркілене отырып, жеке тұлғаларға 15 АЕК (55380 теңге), жеке кәсіпкерлерге 25 АЕК (92300 теңге) мөлшерінде айыппұл салуға әкеп соқтырады, алкоголь өнімдерін ілеспе жүкқұжаттарынсыз тасымалдау және сақтау кәсіпкерлік субъектілері болып табылатын тұлғаларға 50 АЕК-тен 200 АЕК аралығында айыппұл салуға әкеліп соқтырады.
Шымкент қаласы бойынша Мемлекеттік кірістер департаментімен, бүгінгі күнге 2024 жылдан бастап, жалпы Шымкент қаласының аумағында жоғарыда көрсетілген Заң талаптарының сақталуы бойынша бақылау-профилактикалық іс-шаралар жасалып, 262 тақырыптық тексерулер ұйымдастырылып, анықталған құқық бұзушылықтар негізінде 103 601 дана алкоголь өнімдері тәркіленіп алынып, атқарылған жұмыстардың арқасында, сотпен бүгінгі күнге құқық бұзушыларға қатысты әкімшілік айыппұл салынып отыр. Осы жұмыстарға қосымша Қырғыз Республикасынан әкелінген, белгісіз акциздік маркі жапсырылған темекі бұйымдары анықталып, қортындысында 294 018 қорап темекі бұйымдары тәркіленді.
Алдағы уақытта, осындай бақылау-профилактикалық іс-шаралар Шымкент қаласы бойынша Мемлекеттік кірістер органдарымен үнемі ұйымдастырылып, жүргізіліп отыратын болғандықтан кәсіпкерлік субъектілеріне және жалпы салық төлеушілерге Заң талаптарына сәйкес жұмыс жасалу қажеттігін түсіндіреміз.