Үш құрамдасты интеграцияланған жүйе

2019 жылғы 2 сәуірдегі №241-VI «Қазақстан Республикасының кейбір заңнамалық актілеріне бизнес-ортаны дамыту және сауда қызметін реттеу мәселелері бойынша өзгерістер мен толықтырулар енгізу туралы» Қазақстан Республикасының Заңымен Салық кодексіне өзгерістер енгізілді.

Аталған өзгеріске сәйкес, үш құрамдасты интеграцияланған жүйе белгіленді. Үш құрамдасты интеграцияланған жүйе – деректерді тіркеу және беру функциясы бар бақылау-касса машинасынан, қолма-қол ақшасыз төлемдерді қабылдауға арналған жүйеден (POS-Терминалдан), сондай-ақ тауарларды тіркейтін және есепке алатын автоматтандырылған жүйеден тұратын интеграцияланған жүйе болып табылады.

Қазіргі уақытта, ҚР ҚМ Мемлекеттік кірістер комитетінің бірыңғай тізіліміне 3 моделі(Trinity, Trinity 1.2, Prosklad.kz) енгізілді. Оңайлатылған декларация негізінде арнайы салық режимін (АСР) қолданатын жеке кәсіпкер осы көрсетілген бағдарламаларды пайдалана алады.

Осы орайда, Салық кодексінің 82 және 683 баптарында жүйені пайдаланудың мынадай артықшылықтары көзделген:

• Жартыжылдық салық кезеңі үшін кіріс шегі 24 038 АЕК - 94 086 АЕК дейін өседі, яғни оңайлатылған декларация негізінде 73 млн.теңгеге дейін жұмыс жасауға рұқсат берілсе, Үш құрамдасты интеграцияланған жүйені пайдаланатын салық төлеушілер 288 млн.теңгеге дейін оңайлатылған декларация негізінде жұмыс жасай алады. Бұл жерде айта кету керек, жеңілдік беріліп тұрған 70 048 АЕК (214  млн.теңгесі)  міндетті түрде  POS-Терминал арқылы есеп айырысуды қажет етеді.
• ҚҚС бойынша жылдық шектік мәні 20 000 АЕК - 134 184 АЕК дейін ұлғаяды, яғни, ҚҚС бойынша 1 жылдағы табыс шегі 61 млн.теңгеге дейін болса, Үш құрамдасты интеграцияланған жүйені пайдаланатын салық төлеушілер үшін ҚҚС шегі 411 млн.теңгеге дейін ұлғаяды. Бұл жерде де  жеңілдік беріп тұрған 114 184 АЕК  (349 млн.теңге) міндетті түрде  POS-Терминал арқылы есеп айырысу қажет етеді.

Үш құрамдасты интеграцияланған жүйеде салықтық есепке алу модулі бар. Тауарлардың қозғалысы, салық есептілігі және жалдамалы қызметкерлердің жалақысын қалыптастыруға болады. Бұл жүйе жеке кәсіпкерлердің салық міндеттемелерін есепке алуын және орындауын жеңілдетуге арналған