2026 жылдан бастап ҚР жаңа Салық кодексімен ҚҚС-ты оңайлатылған қайтару құқығы қолданыстағы нормалардан айырмашылығы барлық экспорттаушыларға берілді, олар бойынша ҚҚС қайтарудың оңайлатылған тәртібін салық төлеушілердің жекелеген санаттары ғана қолданады: бекітілген тізбелерге енгізілген ірі кәсіпорындар, өндірушілер мен экспорттаушылар. ҚҚС-ты оңайлатылған тәртіппен қайтару тексеру жүргізілмей 15 жұмыс күні ішінде, бір мезгілде мынадай шарттар сақталған кезде жүзеге асырылатын болады: 1) қайтару туралы талап берілген күні орындалмаған хабарламалардың болмауы; 2) талап берілген күннің алдындағы 12 ай үшін салықтық тексеру нәтижелері бойынша қайтаруға расталған ҚҚС асып кету сомасының болуы. Қайтару сомасын айқындау салықтық тәуекелдерді басқару жүйесін пайдалана отырып жүзеге асырылатын болады, бұл ретте негізгі бағдар алдыңғы салықтық тексерулердің нәтижелері болады. ҚҚС қайтару бойынша тексеру тәртібі де өзгереді. Егер бұрын “Пирамида” есебі ҚҚС қайтарудан бас тартуға әкеп соқтырған бүкіл жеткізу тізбегіндегі бұзушылықтарды анықтау үшін пайдаланылса, онда жаңа жылдан бастап бұл есеп тәуекелді аймақтарды анықтау құралы ретінде қолданылатын болады. Анықталған тәуекелдер бойынша қарсы тексерулер тағайындалады және тікелей жеткізушілерде бұзушылықтар расталған жағдайда ғана дебеттік сальдо сомалары қайтаруға расталмайды. ҚҚС асып кетуін қайтару ережесі ҚР Қаржы министрінің м.а. 2025 жылғы 30 қазандағы № 649 бұйрығымен бекітілген.