Жалпы облыс бойынша бүгінгі күнге жер қойнауын және жер асты суларын пайдалануға рұқсаты бар 93 салық төлеуші тіркелген. Мұндай салық төлеушілерге Қызылорда облысы бойынша Мемлекеттік кірістер департементі тарапынан олардың табыс еткен салық есептілігі нысандарына камералдық бақылау шараларын тоқтатқан емес. Осындай жүргізілген камералдық бақылау нәтижесінде 2022 жылға барлығы 93 салық төлеушіден 318,0 млн.теңгеге салықтық түсім қамтамасыз қамтамасыз етіліп, оның ішінде 60 салық төлеушіден 226,6 млн. теңгесі қосымша кіріс көзі арқылы қамтамасыз етілген.
2023 жылдың басынан бері жер қойнауын пайдалануды жүзеге асыратын салық төлеушілерден 51,3 млн. теңге түсім қамтамасыз етілген, оның ішінде 5 салық төлеушіден 3,3 млн.теңге қосымша кіріс салық сомалары өндірілді.
Сонымен қатар, уәкілетті мемлекеттік органның мәліметіне сәйкес, 2022 жылы осы қызмет түрін заңсыз жүзеге асырған облыс көлемінде 4 салық төлеушіні анықтап (2 заңды тұлға, 2 дара кәсіпкер), ҚР ӘҚБтК-нің 139-бабы, 1-тармағымен жалпы сомасы 416,7 мың теңге көлемінде айыппұл салынды.