Құрметті әріптестер!
Сіздерді Мемлекеттік кірістер органдарының құрылған күнімен шын жүректен құттықтаймыз!
2014 жылғы 14 тамызда салық және кеден қызметтерінің бірігуі нәтижесінде Қазақстан Республикасы Қаржы министрлігінің Мемлекеттік кірістер комитеті құрылды. Содан бері мемлекеттік кірістер органдары бюджетке түсімдердің тұрақтылығын қамтамасыз етіп, адал кәсіпкерліктің дамуына және еліміздің экономикалық мүдделерін қорғауға елеулі үлес қосып келеді.
Барша қызметкерлер мен ардагерлерге зор денсаулық, отбасылық амандық, кәсіби табыс және жаңа жетістіктер тілейміз! Жауапты еңбектеріңіз әрдайым жоғары бағаланып, абыройларыңыз асқақтай берсін!