Салық сомасы салық заңнамасына сәйкес салық төлеушінің өзі есептеледі. Есептеу кезінде 2025 жылға белгіленген айлық есептік көрсеткіш (АЕК) – 3 932 теңге қолданылады.
Азаматтарға ыңғайлы болу үшін Мемлекеттік кірістер комитетінің порталында көлік салығын онлайн есептеу сервисі қолжетімді.
Есептелген салық сомасын келесі тәсілдер арқылы білуге болады:
Департаменттің мәліметінше, 2026 жылғы 2 сәуірден бастап салықты уақтылы төлемеген әрбір күн үшін өсімпұл есептеледі.
Сонымен қатар, 2026 жылғы 10 мамырдан бастап берешегі бар салық төлеушілерге қатысты салық заңнамасында көзделген мәжбүрлеп өндіріп алу шаралары қолданылады.
Егер салық берешегі 1 АЕК-тен асса, мемлекеттік кірістер органдары берешекті өндіріп алу туралы салық бұйрығын шығарады. Салық бұйрығы тапсырылғаннан кейін бес жұмыс күні ішінде берешек өтелмеген жағдайда, материалдар әрі қарай өндіріп алу үшін жеке сот орындаушыларына жолданады.
Атқарушылық іс жүргізу барысында борышкердің банк шоттары мен мүлкіне тыйым салу сияқты мәжбүрлеп орындау шаралары қолданылуы мүмкін. Ал берешек 40 АЕК-тен (157 280 теңге) асқан жағдайда, Қазақстан Республикасының заңнамасына сәйкес борышкердің елден шығуына уақытша шектеу қойылуы мүмкін.
Қостанай облысы бойынша Мемлекеттік кірістер департаменті көлік құралдарының иелеріне салық міндеттемелерін алдын ала тексеріп, салықты белгіленген мерзімде төлеуге кеңес береді. Бұл өсімпұлдың есептелуіне және мәжбүрлеп өндіріп алу шараларының қолданылуына жол бермейді.
Салықты есептеу және төлеу мәселелері бойынша тұрғылықты жеріңіздегі мемлекеттік кірістер органдарына немесе 1414 байланыс орталығына хабарласуға болады.