QR-кодын қолдану арқылы визуалды тексеру

QR-кодын қолдану арқылы визуалды тексеру.

Салық төлеушілерді әкімшілендіру пилоттық жобасы шеңберінде визуалды тексеру жүргізумен мемлекеттік кірістер органы қалыптастыратын штрих-код (QR-код) пайдаланылады.

Қазақстан Республикасында жабық базарлардың, сауда үйлерінің, дүкендердің, павильондардың аумағында көтерме және (немесе) бөлшек сауданы жүзеге асыратын салық төлеушілер (бұдан әрі – салық төлеушілер) визуалды тексеру жүргізе отырып, салық төлеушілерді әкімшілендіру жөніндегі пилоттық жоба басталған күннен бастап 10 (он) жұмыс күні ішінде, бұл ретте егер жеке немесе заңды тұлға Қағидалар қолданысқа енгізілгеннен кейін құрылса, салық төлеушілер оны құрған күннен бастап 10 (он) жұмыс күні ішінде:

1. Штрих-кодты (QR-кодты) Қазақстан Республикасы Қаржы министрлігі Мемлекеттік кірістер комитетінің веб-порталы арқылы алады .https://kgd.gov.kz) белсенді терезеде жеке сәйкестендіру нөмірін немесе бизнес-сәйкестендіру нөмірін (бұдан әрі – ЖСН/БСН), бақылау-касса машинасының (бұдан әрі – БКМ) тіркеу нөмірін енгізу, "код Жасау" батырмасын басу және басып шығару арқылы жүзеге асырылады;
2. Штрих-кодты (QR-кодты) БКМ орналасқан жерлерге орналастырады; Штрих-код (QR-код) мынадай ақпаратты қамтиды: ЖСН/БСН; Салық төлеушінің толық атауы; Салық төлеушінің орналасқан жерінің мекенжайы; алкоголь өнімін өндіру аумағында оны сақтау және бөлшек саудада өткізу жөніндегі қызметті қоспағанда, алкоголь өнімін сақтауға және бөлшек саудада өткізуге лицензияның болуы немесе болмауы; БКМ тіркеу нөмірі; салық төлеушінің мәртебесі (қолданыстағы, әрекетсіз, қызметін тоқтата тұру).

Көзбен шолып қарап тексеруді жүргізу салық төлеушінің тіркеу деректерінде көрсетілген орналасқан жері бойынша және (немесе) салық салуға байланысты объектінің орналасқан жері бойынша Мемлекеттік кірістер органының шешімі негізінде жүзеге асырылады.

Шешім Мемлекеттік кірістер органдарының интернет-ресурсында шешімде көрсетілген көзбен шолып қарауды жүргізу мерзімі басталғанға дейін 3(үш) жұмыс күні бұрын орналастырылады.