_____Сыбайлас жемқорлыққа қарсы талаптарды сақтау - азаматтардың мемлекеттік органдарға деген сенімінің негізі.
_____Осы саладағы негізгі нормативтік құқықтық актілердің бірі Қазақстан Республикасының «Сыбайлас жемқорлыққа қарсы іс-қимыл туралы» Заңы болып табылады (бұдан әрі – Заң).
_____Заңның мүдделер қақтығысы мәселелерін реттейтін 15-бабына ерекше назар аудару қажет.
_____Мүдделер қақтығысы мемлекеттік қызметшінің жеке мүдделілігі оның лауазымдық міндеттерін объективті және адал орындауына ықпал етуі мүмкін болған жағдайда туындайды.
_____Мысалы, туысына қатысты құжаттарды қарау, таныс кәсіпкерге қатысты шешімдер қабылдау немесе нәтижелері жеке пайда алуға әкелуі мүмкін рәсімдерге қатысу кезінде осындай жағдайлар туындауы ықтимал.
_____Заңның 15-бабына сәйкес, тиісті талаптар қолданылатын тұлғалар мүдделер қақтығысының алдын алу және оны реттеу жөнінде шаралар қабылдауға міндетті. Мүдделер қақтығысы туындаған немесе оның туындау мүмкіндігі белгілі болған жағдайда, бұл туралы тікелей басшыға немесе ұйымның басшылығына дереу жазбаша түрде хабарлау қажет.
_____Мүдделер қақтығысы туралы уақтылы хабарлау - жай ғана хабарлау емес, кәсіби жауапкершілік пен мемлекеттік қызмет қағидаттарына адалдықтың көрінісі екенін түсіну маңызды. Мұндай мәселелердегі ашықтық құқық бұзушылықтардың алдын алуға, қабылданатын шешімдердің объективтілігін қамтамасыз етуге және азаматтардың заңды мүдделерін қорғауға мүмкіндік береді.
_____Әрбір мемлекеттік қызметші заңдылық, әділдік, ашықтық және адалдық қағидаттарын басшылыққа алып, қызметтік өкілеттіктерін жеке мүдделеріне пайдалануына жол бермеуге тиіс.
_____Әрбір мемлекеттік қызметшінің адалдығы, бейтараптығы және жауапкершілігі - азаматтардың мемлекетке деген сенімінің негізі.