_____Қазақстан Республикасының «Сыбайлас жемқорлыққа қарсы іс-қимыл туралы» Заңының 15-бабына сәйкесмүдделер қақтығысының алдын алу және оны реттеу жөніндегі негізгі талаптар белгіленген.
_____Заңнамада белгіленген талаптар қолданылатын тұлғалар мүдделер қақтығысының туындауына жол бермеу жөнінде шаралар қабылдауға міндетті. Мүдделер қақтығысына әкеп соғуы мүмкін мән-жайлар туындаған жағдайда бұл туралы өзінің тікелей басшысына немесе мемлекеттік органның басшылығына уақтылы хабарлауы қажет.
_____Мүдделер қақтығысының бар екендігі туралы хабардар болған басшы оны жою бойынша заңнамада көзделген шараларды қабылдауға тиіс. Нақты жағдайға байланысты мұндай шараларға лауазымдық міндеттерді өзгерту, тұлғаны тиісті шешімді қабылдауға қатысудан шеттету немесе жеке мүдделердің қызметтік міндеттерді орындауға ықпал етуіне жол бермеуге бағытталған өзге де шараларды қабылдау жатқызылуы мүмкін.
_____Туыстарына, таныстарына, сондай-ақ мемлекеттік қызметшінің жеке байланыстары немесе өзге де мүдделері бар ұйымдарға қатысты шешімдер қабылдау кезінде мүдделер қақтығысы мәселесіне ерекше назар аударылуы қажет. Қызметтік жағдайын өзі немесе үшінші тұлғалар үшін артықшылықтар алу мақсатында пайдалануға жол берілмейді.
_____Мүдделер қақтығысының алдын алу сыбайлас жемқорлыққа қарсы мәдениетті қалыптастырудың маңызды құрамдас бөлігі болып табылады. Ықтимал мүдделер қақтығысын уақтылы анықтау заңнама талаптарының бұзылуына жол бермеуге және мемлекеттік қызметтің объективтілігі мен бейтараптылығын сақтауға мүмкіндік береді.
_____Мемлекеттік қызметші ең алдымен мемлекет пен қоғамның мүдделерін басшылыққа алуға, өзіне жүктелген міндеттерді адал орындауға және қызметтік өкілеттіктерін жеке мақсаттарда пайдалануға жол бермеуге тиіс.
_____Осылайша, мүдделер қақтығысына қатысты заңнама талаптарын сақтау тек заңмен белгіленген міндет қана емес, сонымен қатар мемлекеттік қызметшінің кәсіби әдептілігінің маңызды элементі болып табылады.