9-бап. Сыбайлас жемқорлыққа қарсы мәдениетті қалыптастыру

             Қазақстан Республикасының заңнамасына сәйкес «Бас диспетчерлік басқармасы» РММ сыбайлас жемқорлыққа қарсы мәдениетті қалыптастыру бойынша жүйелі жұмыстар жүргізеді.

             Сыбайлас жемқорлыққа қарсы мәдениетті қалыптастыру қоғамда сыбайлас жемқорлыққа төзбеушілікті білдіретін құндылықтар жүйесін сақтау мен нығайтуға, қызметкерлердің құқықтық сауаттылығын арттыруға, адалдық, ашықтық және жауапкершілік қағидаттарын орнықтыруға бағытталған.

             Аталған бағыттағы жұмыс білім беру, ақпараттық және ұйымдастырушылық сипаттағы іс-шаралар кешені арқылы жүзеге асырылады.

             «Бас диспетчерлік басқармасы» РММ-де келесі іс-шаралар іске асырылады:

• қызметкерлер арасында сыбайлас жемқорлыққа қарсы іс-қимыл мәселелері бойынша түсіндіру жұмыстарын жүргізу;
• сыбайлас жемқорлыққа қарсы заңнаманы сақтау бойынша оқыту семинарларын, кеңестер мен нұсқамалар ұйымдастыру;
• қызметкерлерді сыбайлас жемқорлыққа қарсы стандарттар мен қызметтік әдеп нормаларының талаптары туралы хабардар ету;
• мекеменің ресми интернет-ресурсында ақпараттық материалдарды орналастыру;
• қызметтің ашықтығын қамтамасыз ету және мүдделер қақтығысына жол бермеу.

               Сыбайлас жемқорлыққа қарсы білім беру — кез келген сыбайлас жемқорлық көріністерін қабылдамауға бағытталған белсенді азаматтық ұстанымды қалыптастырудың үздіксіз процесі болып табылады.

              «Бас диспетчерлік басқармасы» РММ заңдылық, ашықтық және жариялылық қағидаттарын ұстана отырып, қызметтік міндеттердің адал әрі тиімді орындалуын қамтамасыз етеді.

               Сыбайлас жемқорлыққа қарсы мәдениетті қалыптастыру мемлекеттік органдарға деген азаматтардың сенімін нығайтудың және мемлекеттік қызметтің тиімділігін арттырудың маңызды тетігі болып табылады.