«Сыбайлас жемқорлыққа қарсы іс-қимыл туралы» Қазақстан Республикасының Заңының 9-бабын іске асыру мақсатында мемлекеттік органдар халық арасында сыбайлас жемқорлыққа қарсы мәдениетті қалыптастыру бағытында жүйелі жұмыс жүргізуде. Бұл қызмет қоғамда адалдықты, ашықтықты және жауапкершілікті дамытуға бағытталған.
Сыбайлас жемқорлыққа қарсы мәдениетті қалыптастыру - Қазақстан Республикасының мемлекеттік саясатының маңызды бағыты болып табылады. Негізгі мақсат - азаматтардың сыбайлас жемқорлыққа төзімсіздігін қалыптастыру және қоғамның моральдық-құқықтық құндылықтарын нығайту.
Қазақстан Республикасының «Сыбайлас жемқорлыққа қарсы іс-қимыл туралы» Заңының 9-бабына сәйкес, осы бағыттағы жұмысқа сыбайлас жемқорлыққа қарсы ағарту, мінез-құлықтың этикалық нормаларын дамыту, қоғамдық бастамаларды қолдау және ақпараттық-түсіндіру іс-шараларын өткізу кіреді.
Жастардың құқықтық санасын қалыптастыруға, мемлекеттік қызметшілердің жауапкершілігін арттыруға және азаматтық қоғам институттарымен өзара іс-қимыл жасауға ерекше көңіл бөлінеді.
Сыбайлас жемқорлыққа қарсы мәдениетті қалыптастыру азаматтардың мемлекетке деген сенімін нығайтып, адалдық, әділдік және заңдылық қағидаттарына негізделген қоғам құруға ықпал етеді.