Қазақстан Республикасының 2015 жылғы 18 қарашадағы № 410‑V «Сыбайлас жемқорлыққа қарсы іс-қимыл туралы» Заңының 24-1 бабына сәйкес мемлекет сыбайлас жемқорлық құқық бұзушылықтары туралы хабарлаған немесе оларды анықтауға, жолын кесуге, ашуға және тергеуге жәрдем көрсеткен тұлғаларды келесі қорғау шараларымен қамтамасыз етеді:
1. Еңбек құқықтарын қорғау
Тиісті орган хабарламаны қабылдаған күннен немесе басқа да жәрдем көрсеткен күннен бастап үш жыл ішінде тұлға сыбайлас жемқорлыққа қарсы іс-қимылға қатысты қызметі үшін жұмыстан босатылмауға, лауазымынан төмендетілмеуге, басқа қызметке ауыстырылмауға, тәртіптік жазаға тартылмауға немесе басқа да репрессиялық шараларға ұшырамауға құқылы.
2. Жүгінудің құпиялылығы
Ұйым басшысына немесе уәкілетті мемлекеттік органға жүгінген деректер мен оның мазмұны заңда көзделген жағдайларды қоспағанда, тұлғаның жазбаша келісімінсіз жария етілмейді.