Бас диспетчерлік басқарма жүйесінде сыбайлас жемқорлыққа қарсы іс-қимыл

Бас диспетчерлік басқарма жүйесінде сыбайлас жемқорлыққа қарсы іс-қимыл

Сыбайлас жемқорлық – қоғамның тұрақтылығы мен дамуына қауіп төндіретін күрделі мәселелердің бірі. Мемлекеттік кірістер органдары елдің қаржылық қауіпсіздігі мен салық және кедендік заңнамасының орындалуына жауапты болғандықтан, бұл салада сыбайлас жемқорлыққа қарсы күрестің маңызы ерекше.

Сыбайлас жемқорлыққа қарсы саясаттың негізгі мақсаттары: 

1. Сыбайлас жемқорлыққа қарсы мәдениетті қалыптастыру.
   2. Сыбайлас жемқорлық құқық бұзушылықтарының алдын алу.
   3. Ішкі бақылау жүйесін нығайту.

Бас диспетчерлік басқарма құрудың басты мақсаты – сыртқы экономикалық қызметке (СЭҚ) қатысушылар мен кедендік органдар арасындағы тікелей байланысты жою арқылы сыбайлас жемқорлық тәуекелдерін азайту болды. 

Барлық кедендік декларациялар электронды форматта беріледі, бұл декларанттар мен инспекторлар арасындағы жеке қарым-қатынасты болдырмайды және сыбайлас жемқорлық мүмкіндігін едәуір төмендетеді. Электрондық жүйелер жұмыстың ашықтығын және жеделдігін қамтамасыз етеді, бұл кедендік рәсімдерді неғұрлым тиімді және қауіпсіз етеді. 

Сондықтан цифрландыру және электрондық қызметтерге көшу мемлекеттік кірістер жүйесіндегі сыбайлас жемқорлыққа қарсы іс-қимылдың негізгі құралдары болып қала береді.

Мемлекеттік кірістер жүйесінде ашықтық пен есептілік қағидаларын ұстану – сыбайлас жемқорлықтың алдын алудың басты құралы. Азаматтық қоғамды тарту және тиімді бақылау жүйесін енгізу арқылы мемлекеттік органдарға деген сенімді арттыруға болады.