Көлік құралдарына салынатын салық бойынша ақпарат
Қазақстан Республикасының Салық кодексінің 493-бабының 1-тармағына сәйкес, салық төлеуші көлік құралдарына салынатын салық сомасын салық салу объектісіне 492-бапта белгіленген салық ставкаларын қолдану арқылы өз бетінше есептейді.
Сонымен қатар, 493-баптың 9-тармағына сәйкес, жеке тұлғалардың көлік құралдарына салынатын салық бойынша есеп айырысу сальдосын айқындау мақсатында, салық органдары салықты есепті кезеңнен кейінгі жылдың 1 мамырынан кешіктірмей есептейді. Бұл есеп айырысу уәкілетті органдардың көлік құралдарын есепке алу және тіркеу бойынша автоматтандырылған тәртіпте ұсынатын мәліметтер негізінде жүргізіледі.
Салық кодексінің 491-бабына сәйкес, салық салу объектісі ретінде тіркелген және (немесе) Қазақстан Республикасында есепте тұрған көлік құралдары (тіркемелерді қоспағанда) танылады.
Салық ставкалары 492-бапта белгіленіп, салықты есептеу үшін республикалық бюджет туралы заңмен белгіленген және тиісті қаржы жылының 1 қаңтарында қолданыста болған айлық есептік көрсеткіш (АЕК) қолданылады.
Салық салу мақсатында көлік құралдарының келесі санаттары белгіленген:
B санатындағы (BE, B1 қоса алғанда) көлік құралдары;
Жүк платформасы мен жүргізуші кабинасы қатты қалқамен бөлінген жеңіл автомобиль шассиіндегі моторлы көлік құралдары (пикаптар);
Сыйымдылығы және өтімділігі жоғары, B санатының талаптарынан асып түсетін көлік құралдары (жол талғамайтын көліктер, кроссоверлер, лимузиндер).
C санатындағы (CE, C1E, C1 қоса алғанда) көлік құралдары;
Жабық кузовпен жабдықталған, өнеркәсіптік және ауылшаруашылық жүктерін тасымалдауға арналған арнайы жүк көліктері (фургондар);
Ашық платформалы B санатындағы жалпы мақсаттағы жүк көліктері (пикаптардан басқа).
Белгілі бір технологиялық операцияларды орындауға арналған арнайы жабдықталған автомобильдер.
D санатындағы (DE, D1E, D1 қоса алғанда) көлік құралдары.
Салық кодексінің 494-бабына сәйкес, жеке тұлғалар үшін салықты төлеу мерзімі есепті салықтық кезеңнен кейінгі жылдың 1 сәуірінен кешіктірілмеуі тиіс. Салықты төлеу жеке тұлғаның тұрғылықты жері бойынша жүзеге асырылады.