Қазақстан Республикасы Қаржы министрлігі Мемлекеттік кірістер комитеті (әрі-қарай ҚР ҚМ ММК) салық және кеден саласындағы тәуекелдерді басқару жүйесін жетілдіру бойынша жұмыс жүргізуде. 2018 жылдан бастап ТБЖ (әрі – қарай тәуекелдерді басқару жүйесі) «АСТАНА-1» АЖ негізінде электронды декларациялауға енгізілді.

ТБЖ тексеру процедурасын қысқартуға, кәсіпкерлердің жұмысын жеңілдетуге мүмкіндік береді. Сондай -ақ, электронды декларацияны енгізу сыбайлас жемқорлық тәуекелдерін төмендетуге және адами фактордан туындаған қателіктерді жоюға мүмкіндік береді. Сондай -ақ кедендік құнды бақылау мен кедендік бақылау мақсатында туындайтын сыбайлас жемқорлық тәуекелдерін айтарлықтай төмендетеді.

Кедендік ресімдеу принципі келесідей: қабылдау кезеңінде лауазымды адам тыйым салулар мен шектеулерді, сондай -ақ таңдалған кедендік рәсімге сәйкес қажетті құжаттардың болуын тексеруге қатысты бақылауды жүзеге асырады. Өз кезегінде, кедендік құнды бақылау, тауарлардың жіктелуі мен шыққан елі дәліз принципі бойынша жұмыс істейтін ТБЖ негізінде ғана жүзеге асырылады.

Декларанттардың өздері де, кедендік өкілдер арқылы да тауарларға декларация беру мүмкіндігі бар электронды декларация кедендік рәсімдерді жеңілдетуге және жеделдетуге бағытталған. Барлығы автоматты түрде ҚР ҚМ МКК сервері арқылы жүзеге асады: тауарларға арналған декларациялар - тауарлардың сипаттамаларына және сыртқы экономикалық қызметке қатысушылардың тәуекел санаттары бойынша саралануына негізделген - 4 дәлізге бөлінеді - жасыл, көк, сары және қызыл.

ҚР ҚМ МКК деректері бойынша қазіргі уақытта 89 тәуекел профилі бар, олардың 64 -і кедендік ресімдеу сатысында қолданылады.