Спиртті құю бойынша заңсыз цех анықталды

2021 жылғы 30 наурызда Алматы облысы бойынша Мемлекеттік кірістер департаментінің қызметкерлері Алматы облысы бойынша Экономикалық тергеу департаментімен бірлесіп Қарасай ауданында ЖК-ге тиесілі өнеркәсіптік база аумағында құрамында спирті бар сұйықтықтарды заңсыз құюмен айналысатын цехты анықтады. Үй-жайды тексеру барысында жалпы көлемі 5000 литр құрамында спирті бар сұйықтық құйылған әрқайсысы көлемі 1000 литрден 5 ыдыс, сондай-ақ, заңсыз кәсіпкерлік қызметте пайдаланылатын өнімді құюға арналған материалдар, суы бар сыйымдылықтар, әртүрлі ыдыс, қақпақтар мен спирт өлшеуіштер табылды және тәркіленді. ЖК-де алкоголь өнімдерін сақтауға арналған қандайда-бір рұқсат құжаттары, лицензиясы болған жоқ.
Қазіргі уақытта ЖК-ді заңсыз кәсіпкерлік қызметті жүзеге асырғаны үшін жауапкершілікке тарту мәселесі қарастырылуда.