«Алматы облысында темекі өнімдерінің заңсыз айналымына қарсы іс-қимыл мәселелері бойынша оқыту семинары өтті».

Алматы облысы бойынша Мемлекеттік кірістер департаменті "Джей Ти Ай Қазақстан" ЖШС өкілдерінің қатысуымен темекі өнімдерінің заңсыз айналымына қарсы іс-қимыл мәселелері бойынша аумақтық мемлекеттік кірістер басқармаларының қызметкерлері үшін оқыту семинарын өткізді. Іс-шараның негізгі мақсаты акциздерді әкімшілендіруді жетілдіру, акцизделетін өнімнің заңсыз айналымының алдын алу саласындағы білім деңгейін және практикалық тәжірибені арттыру, сондай-ақ Мемлекеттік кірістер органдары мен бизнес өкілдері арасындағы өзара іс-қимылды нығайту болды.