«Электрондық шот-фактуралар»

Электрондық шот-фактуралар «жүйесі туралы»

2014 жылдың 1 шілдесінен бастап Қазақстанда ерікті түрде шот-фактураларды электронды түрде жазу мүмкіндігі пайда болды.     

«Электрондық шот-фактуралар» ақпараттық жүйесі (ЭШФ АЖ) нақты уақыт режимінде сауда операцияларына қатысушылар арасында шот-фактураларды жазып беру мен алмасуды электрондық түрде жүзеге асыруға мүмкіндік береді.

API-интерфейсінің болуы ЭШФ АЖ-ны бухгалтерлік есепті жүргізу бойынша ERP жүйелерімен біріктіруге мүмкіндік береді.

ЭШФ АЖ тіркеу қадамдары:

1. Кілттерді ҰКО немесе ХҚКО өтінім беру арқылы және  pki.gov.kz. сайты арқылы.
2. ЭШФ АЖ-де тіркеу бойынша қадамдық нұсқаулықты орындау, ЭШФ АЖ жүйенің жоғарғы мәзірінің «Көмек» бөлімінде қолжетімді.

ЭШФ АЖ пайдаланушыларды қолдау қызметінің мекен-жайы esfsd@mgd.kz

Өтініштер регламент бойынша рәсімделеді   

МАҢЫЗДЫ!!!

Заңды тұлғаны ЭШФ АЖ-да тіркеу тек бірінші басшының сертификаттарын пайдалана отырып жүзеге асырылады!     

Заңды тұлғаны тіркеу үшін бірінші басшыға ХҚКО-да берілетін Ұлттық куәландырушы орталықтың жеке және заңды тұлғасының сертификаттарын алу қажет.

   ШОТ-ФАКТУРАЛАРДЫ ЭЛЕКТРОНДЫҚ ТҮРДЕ ЖАЗЫП БЕРУ КЕЗІНДЕГІ АРТЫҚШЫЛЫҚТАР:

• ЭШФ жазып беру мерзімін 15 күнге дейін ұлғайту.
• ЭШФ шетел валютасында жазып беру мүмкіндігі.
• Өз қызметкерлеріне шот-фактураларды шығару бойынша құқықтарды беру мүмкіндігі.
• Заңды тұлғаның құрылымдық бөлімшелері жазып берген ЭШФ басқару мүмкіндігі.
• Егер барлық шот-фактураларды электронды түрде жазып берсеңіз, сатылған тауарлар, жұмыстар, қызметтер бойынша тізілімді бермеу мүмкіндігі (300.07).
• Егер барлық шот-фактуралар электрондық түрде жазып берілген жағдайда, сатып алынған тауарлар, жұмыстар, көрсетілетін қызметтер бойынша тізілімді бермеу мүмкіндігі (300.08).
• Өнімнің өмірлік циклін көру мүмкіндігі.