Қазақстан Республикасы Қаржы министрінің 2020 жылғы 28 қыркүйектегі № 927 бұйрығымен бекітілген темекі өнімдерін таңбалау және қадағалау ережесінде, енді бүкіл мәтін бойынша темекі өнімдерін таңбалау "міндетті"деген сөз алынып тасталды. Сондай-ақ, Ережелерде қолданылатын ұғымдар тізіміне нақтылау енгізілді.
Бұдан басқа, темекі өнімдері айналымына қатысушыларды тауарларды таңбалау мен олардың қадағалануының ақпараттық жүйесінде (МПТ АЖ) тіркеу және олардың жеке кабинетке кіру тәртібіне, сондай-ақ темекі өнімдерінің өздерін МПТ АЖ-да тіркеу және темекі өнімдерінің қаптамасына сәйкестендіру құралдарын салу тәртібіне түзетулер енгізілді.
Темекі өнімдерін сәйкестендіру құралдарымен таңбалау енгізілген күннен кейін өндірілген және (немесе) Қазақстан Республикасының аумағына әкелінген темекі өнімдерінің айналымына оларды өткізу туралы мәліметтер МПТ АЖ-ға берілген жағдайда ғана жол берілетіні анықталды.
Өзгерту енгізілді-ҚР Қаржы министрінің 2021 жылғы 31 мамырдағы № 509 бұйрығымен және 2021 жылғы 14 маусымнан бастап қолданысқа енгізіледі.