Ақтөбе облысы бойынша МКД салықтөлеушілердің назарына келесіні хабарлады.
Салық төлеу процесі одан да оңай болды. Бұл «e-Salyq Azamat» («App Store» және «Play Market») мобильді қосымшасындағы «Салық әмияны» сервисінің арқасында мүмкін болды.
«Салық әмиянына» ақша жіберу арқылы салық төлеуші бірқатар артықшылықтарға ие болады, мысалы:
-Салық әмиянынан салық берешегін автоматты түрде тіркеу;
-Берешек сомасын бір салықтан екінші салыққа автоматты түрде аудару;
-Төлеу туралы хабарламаларды алу;
-Салықтар бойынша негізсіз өсімпұлды алып тастау;
-Қате төлемдерді жою;
-Салық салу объектілерін қарау.
Сондай-ақ, «e-Salyg» мобильдік қосымшасында азаматтарға ыңғайлы болу үшін жол полициясы органдарында тіркеу есебінде тұрған көлік құралдары бойынша деректерді қарап, сәйкесінше салықтың қандай көлік құралдары бойынша есептелгенін көруге мүмкіндік бар.
Сервис онлайн-режимде түзетуге, оның ішінде көлік құралының сипаттамаларын өзгертуге, көлік құралын иеліктен шығаруға (сатуға) байланысты оны Дерекқордан алып тастауға өтініш беруге мүмкіндік береді.
Интерфейсте сату туралы тиісті құжаттарды немесе автомобильдің дұрыс деректерін қосу жеткілікті.
Бірнеше күн ішінде ақпарат түзетіледі. Осы процесті оңайлату мемлекеттік кірістер органының мамандарымен тікелей байланысты жояды, сондай-ақ сыбайлас жемқорлық деңгейін төмендетеді.