Бүгінгі таңда Қазақстан Республикасында бірқатар кәсіпорындар ЖШС - мен қатар ЖК-мен пандемияға байланысты қалыптасқан, қиын жағдайдан шығудың жолдарын іздестіруде, онда оңалту рәсімін қолдану шығудың бір нұсқасы болып табылады.«Оңалту және банкроттық туралы» ҚРЗ сәйкес банкроттық рәсімінен басқа дәрменсіз (төлемге қабілетсіз) кәсіпорындарға қатысты оңалту рәсімі де көзделген.
Заңда оңалту рәсімі жазылған, онда төлем қабілеттілігін қалпына келтіру және борышкердің мүлкін сақтау қарастырылған.
Заңға сәйкес оңалту рәсімі – сот тәртібімен қолданылатын рәсім, оның шеңберінде борышкерге төлем қабілеттілігін қалпына келтіруге бағытталған қайта ұйымдастыру, ұйымдастыру-шаруашылық, басқару, инвестициялық, техникалық, қаржы-экономикалық, құқықтық және Қазақстан Республикасының заңнамасына қайшы келмейтін өзге де шаралар қолданылады.
⠀
Оңалтуды қолдану кезінде кәсіпорынның бюджет алдындағы, сондай-ақ өзге кредиторлар алдындағы борыштары әзірленген және бекітілген кестеге сәйкес өтелетін болады.
⠀Оңалту рәсімінен өту уақытында кәсіпорынды басқару құқығы оңалтуды басқарушыға жүктеледі.
Бұл ретте, «Оңалту және банкроттық туралы» ҚРЗ борышкердің мүлкі мен істерін басқару құқығы мүліктің меншік иесінде сақталуы мүмкін деп көзделген.